ডিজিটেল ডেস্কঃ এয়াৰটেল কোম্পানীৰ নাম লিখা বাহনৰ পৰা প্ৰায় ছয় কোটি টকাৰ নিষিদ্ধ ড্ৰাগছ জব্দ। লগতে এয়াৰটেল কোম্পানীৰ এগৰাকী অভিযন্তাসহ আন দুজন সৰবৰাহকাৰী আটক।
শ্রীভূমি জিলাৰ নিলামবজাৰৰ লালপুল এলেকাত আৰক্ষী অধীক্ষক পাৰ্থ প্ৰতিম দাসৰ নেতৃত্বত গোপন সূত্ৰৰ ভিত্তিত মিজোৰামৰ চম্পাই পৰা অহা এখন বলেৰো বাহনত (TR/01/M/2262) তালাচী চলোৱা হয়।
এই তালাচীত বাহনখনৰ ভিতৰৰ পৰা ৭৬টাকৈ চাবোনৰ বাকছ ভৰ্তি সন্দেহজনক হেৰোইন উদ্ধাৰ কৰা হয়।
ড্ৰাগছখিনি জব্দ কৰা লগতে সুহেল আলম, ইফতিকাৰ আহমেদ আৰু সাব্বিৰ আহমেদ নামৰ তিনিজন ড্ৰাগছ সৰবৰাহকাৰীক আটক কৰা হয়। এজনৰ ঘৰ হাইলাকান্দি, এজনৰ গুৱাহাটী আৰু আনজনৰ ঘৰ শ্ৰীভূমিৰ পাথাৰকান্দিত বুলি জানিব পৰা গৈছে।
উল্লেখ্য যে ধৃত ইফতিকাৰ আহমেদ এয়াৰটেল কোম্পানীৰ এগৰাকী অভিযন্তা হিচাপে কৰ্মৰত। বৰ্তমানে আৰক্ষীয়ে তিনিওজনৰে জেৰা অব্যাহত ৰাখিছে।
Continue Reading
