ডিজিটেল ডেস্কঃ কেৰিবিয়ান প্ৰিমিয়াৰ লীগ ২০২৫ৰ ত্ৰয়োদশ মেচত ছেইণ্ট লুচিয়া কিংছে গিয়ানা আমাজন ৱাৰিয়ৰ্ছক ৪ উইকেটত পৰাস্ত কৰে।
এই মেচখনত প্ৰথম খেলা গায়ানা আমাজন ৱাৰিয়ৰ্ছে ২০ অভাৰত ৬ উইকেটত ২০২ ৰান সংগ্ৰহ কৰে আৰু ইয়াৰ প্ৰত্যুত্তৰত ১৮.১ অভাৰত ৬ উইকেটত ২০৩ ৰান সংগ্ৰহ কৰি চেণ্ট লুচিয়া কিংছে মেচখন জয় কৰে।
এই মেচখনত ৰোমাৰিয়া শ্বেফাৰ্ডে গিয়ানা আমাজন ৱাৰিয়ৰ্ছৰ হৈ অতি ভাল ইনিংছ খেলি ৩৪টা বলত অপৰাজিত ৭৩ ৰান সংগ্ৰহ কৰে।
এই সময়ছোৱাত শ্বেফাৰ্ডৰ ষ্ট্ৰাইক ৰেট ২১৪.৭১ হোৱাৰ বিপৰীতে গিয়ানা আমাজন ৱাৰিয়ৰ্ছে প্ৰথমে বেটিং কৰিছিল, তেতিয়া ৰোমাৰিয়া শ্বেফাৰ্ডে দলটোৰ হৈ ১৫ তম অভাৰত বেটিং কৰিছিল । এই অভাৰত তেওঁ ১টা বলত ২০ ৰাণ সংগ্ৰহ কৰে । ছেইণ্ট লুচিয়াৰ হৈ ১৫ নং অভাৰত বলিং কৰি আছিল ওছানে থমাছে । ২টা বল কৰাৰ পিছত থমাছে ২টা ন’ বল কৰে ।
এই ২টা ন’ বলত ৰোমাৰিয়াই ২টা ছয় মাৰে আৰু পাছৰ বলটোও ছয় মাৰে । এইদৰে তেওঁ ন’ বলৰ বিনিময়ত ২ ৰাণ লাভ কৰাৰ লগতে ৩টা ছয় মাৰি ১৮ ৰাণ সংগ্ৰহ কৰে । এইদৰে তেওঁ ১টা বলত মুঠ ২০ ৰাণ সংগ্ৰহ কৰে । এই মেচখনত ৰোমাৰিয়া শ্বেফাৰ্ডে এক উজ্জ্বল ইনিংছ খেলিছিল । তেওঁ ৫টা চাৰি আৰু ৭টা ছয়ৰ সহায়ত ৩৪টা বলত ৭৩ ৰাণৰ অপৰাজিত ইনিংছ খেলিছিল ।
Continue Reading
