আহমেদাবাদত অনুষ্ঠিত কমনৱেলথ গেছমত চৰাইদেউৰ চাৰি ভাৰ উত্তোলকৰ সোণৰ পদক অৰ্জন

ডিজিটেল ডেস্কঃ আহমেদাবাদত অনুষ্ঠিত কমনৱেলথ গেছমত চৰাইদেউৰ চাৰি ভাৰ উত্তোলকৰ দপদপনি। চাৰিওজনে ভাৰ উত্তোলনত যুৱ শাখা আৰু জুনিয়ৰ শাখাত সোণৰ পদক লাভ কৰি ভাৰতৰ লগতে অসম তথা গৃহজিলা চৰাইদেউলৈ গৌৰৱ কঢ়িয়াই আনিবলৈ সক্ষম হৈছে।

কমনৱেলত গেমছত চৰাইদেউ ভাৰ উত্তোলন প্ৰশিক্ষণ কেন্দ্ৰৰ চাৰি ছাত্ৰ অভিনৱ গগৈ,ধৰ্মজ্যোতি দেওঘৰীয়া,ভাবনা গগৈ আৰু হেমন্ত দৈমাৰীয়ে ভাৰতক প্ৰতিনিধিত্ব কৰি ভাৰ উত্তোলন বিভাগত আটাইকেইজনে সোণৰ পদক আঁজুৰি আনিবলৈ সক্ষম হোৱাত গৃহজিলা চৰাইদেউত বৈছে এতিয়া আনন্দৰ বন্যা।

ইয়াৰে ধৰ্মজ্যোতি দেউঘৰীয়াই ৫৬ কেজি যুৱ শাখাত সোণৰ পদকৰ লগতে স্নেটছত পূৰ্বৰ ৰেৰ্কড ভংগ কৰিছে।আনফালে অভিনৱ গগৈয়ে ৭১ কিলোগ্ৰামৰ যুৱ শাখাত স্নেটছত ১২৩ কেজি,ক্লিন এণ্ড জাৰ্কত ১৫৫ কিলোগ্ৰাম উত্তোলন কৰি পূৰ্বৰ ৰেৰ্কড ভংগ কৰিবলৈ সক্ষম হয়। খবৰ লাভ কৰিয়েই অভিনৱ গগৈৰ জন্ম স্থান সাপেখাতীত ফটকা ফুটুৱাই আৱতৰীয়া দেৱালী উদযাপন কৰে ৰাইজে ৷