ডিজিটেল ডেস্কঃ অসমত এতিয়া দবা খেলৰ এক বিশেষ পৰিবেশ সৃষ্টি হৈছে। গুৱাহাটীত কেইবাখনো দেশৰ দবাৰুৰ অংশগ্ৰহণেৰে আন্তঃৰাষ্ট্ৰীয় দবা প্ৰতিযোগিতা অনুষ্ঠিত হৈ যোৱাৰ পিছত এইবাৰ গুৱাহাটীৰ অসম ডাউন টাউন বিশ্ববিদ্যালয়ৰ প্ৰেক্ষাগৃহত অহা ৩জুলাইৰ পৰা ৮ জুলাই ২০২২লৈ দবা খেলুৱৈ অভিভাৱক সন্থাই এখন আন্তৰাষ্ট্ৰীয় ফিডে ৰেটিং দবা প্ৰতিযোগিতা আয়োজন কৰিছে।
মুঠ দুই লাখ টকা প্ৰাইজ মানি সম্বলিত প্ৰতিযোগিতাখনত প্ৰথম বিশটা স্থান অধিকাৰ কৰা খেলুৱৈ সকলক নগদ ধন আৰু ট্ৰফী প্ৰদান কৰা হব।
ইয়াৰ বাহিৰেও শ্ৰেষ্ঠ মহিলা, ভেটাৰেণ খেলুৱৈ, আৰু বয়স ভিত্তিত অনুৰ্দ্ধ ৭ বছৰ, অনুৰ্দ্ধ ৯ বছৰ, অনুৰ্দ্ধ ১১বছৰ, অনুৰ্দ্ধ ১৩ বছৰ আৰু অনুৰ্দ্ধ ১৫ বছৰৰ খেলুৱৈ সকলক পুৰস্কাৰ প্ৰদান কৰা হব। অসম আৰু গুৱাহাটীৰ খেলুৱৈৰ বাবে বিশেষ পুৰস্কাৰ থাকিব।
প্ৰতিযোগিতাখনত অসম আৰু উত্তৰ-পূৰ্বাঞ্চলকে ধৰি সমগ্ৰ ভাৰতৰ পৰা প্ৰায় ২০০ জন খেলুৱৈয়ে অংশগ্ৰহণ কৰিব বুলি আশা কৰা হৈছে।
প্ৰতিযোগিতা খন ইতিমধ্যে ভাৰতীয় দবা মহাসংঘই (AICF) আৰু বিশ্ব দবা মহাসংঘই (FIDE) স্বীকৃতি প্ৰদান কৰিছে।
প্ৰতিযোগিতা খনত যোগদান কৰিবলৈ আৰু সবিশেষ জানিবলৈ ছুজা উল ইছলাম হাজৰিকা (ফোন +919435041776) আৰু প্ৰণৱ কুমাৰ নাথৰ ( ফোন 9864911937) লগত যোগাযোগ কৰিব পাৰিব বুলি আয়োজকসকলে জনাইছে।
Continue Reading
