--°C
Loading...
Listen to Article
2 min read
80%
ডিজিটেল ডেস্কঃ জীৱিত প্ৰথম পত্নী। তথাপিও দ্বিতীয়বাৰৰ বাবে বিবাহপাশত আৱদ্ধ হবলৈ সাজু হৈছে ভাৰতীয় ক্ৰিকেট দলৰ প্ৰাক্তন অপেনিং বেটছমেন অৰুণ লাল (Arun Lal)। ৬৬ বছৰীয়া প্ৰাক্তন ভাৰতীয় ক্ৰিকেট তাৰকাগৰাকীয়ে ২ মে'ত বিবাহপাশত আৱদ্ধ হ'বলৈ সাজু হৈছে। কইনাগৰাকী হৈছে ৩৭ বছৰীয়া বুলবুল সাহা। বুলবুল অৰুণ লালৰ দীৰ্ঘদিনীয়া প্ৰেমিকা। বিয়াখন কলকাতাত অনুষ্ঠিত হ'ব। 

অনুষ্ঠানটোত দুয়োটা পৰিয়ালৰ ঘনিষ্ঠ লোক, বেংগল ক্ৰিকেট দলৰ সদস্য আৰু চিএবি বিষয়াসকল উপস্থিত থাকিব। খবৰ অনুসৰি বিবাহৰ কাৰ্ড বিতৰণ ইতিমধ্যে সম্পূৰ্ণ হৈছে। ব'ৰ্ডৰ সভাপতি সৌৰভ গাংগুলীক বিবাহ অনুষ্ঠানটোলৈ আমন্ত্ৰণ জনোৱা হৈছে। সূত্ৰ অনুসৰি অৰুণ লাল আৰু বুলবুলৰ এমাহ আগতে বাগদান হৈছিল। এতিয়া সামাজিকভাৱে দুয়ো বিবাহত বহিব। প্ৰাক্তন ভাৰতীয় ক্ৰিকেট তাৰকাগৰাকী দীৰ্ঘদিন ধৰি বুলবুলৰ সৈতে সম্পৰ্কত আছে। কিন্তু প্ৰশ্ন উত্থাপিত হয়, প্ৰথম পত্নী থকা স্বত্বেও দ্বিতীয় বিবাহ কিয়? 


অৰুণ লালে নিজেই বিষয়টোত মন্তব্য দিবলৈ অস্বীকাৰ কৰিছিল। অৱশ্যে লালজীৰ ঘনিষ্ঠ সূত্ৰই দাবী কৰিছে যে অৰুণ লালে তেওঁৰ প্ৰথম পত্নীৰ অনুমতিত দ্বিতীয়বাৰৰ বাবে বিবাহপাশত আৱদ্ধ হ'বলৈ গৈ আছে। অৰুণ লালে পূৰ্বে ৰীণাৰ সৈতে বিবাহ পাশত আৱদ্ধ হৈছিল যদিও পৰৱৰ্তী সময়ত দুয়োৰে মাজত বিবাহ বিচ্ছেদ ঘটে। বিবাহ বিচ্ছেদ ঘটিলেও অৰুণ লালে এতিয়াও প্ৰথম পত্নীৰ সৈতেই আছে। দৰাচলতে অৰুণ লালৰ প্ৰথম পত্নী ৰীনা অসুস্থ। বুলবুলে তেওঁৰ অসুস্থতাৰ বিষয়ে জানে। শুনা গৈছে যে বুলবুলে ৰীনা দেৱীৰ যত্ন ল'ব। 



দিল্লীত জন্মগ্ৰহণ কৰা অৰুণ লালে ৰাজধানী দিল্লীত ক্ৰিকেট কেৰিয়াৰ আৰম্ভ কৰিছিল। দিল্লীৰ হৈ প্ৰথম শ্ৰেণীৰ ক্ৰিকেট আৰম্ভ কৰাৰ পাছত তেওঁ কলকাতালৈ গুচি যায়। অৰুণ লালে ১৯৮২-৮৯ চনলৈ ভাৰতীয় দলৰ হৈ ১৬ খন টেষ্ট আৰু ১৬ খন এদিনীয়া আন্তঃৰাষ্ট্ৰীয় খেলত অংশ লৈছিল। তেওঁ কোৱাৰ্টাৰ ফাইনেলত মুম্বাই দলৰ বিৰুদ্ধে ১৮৯ ৰাণ কৰিছিল। তেওঁ ৰীনাক কলকাতাত প্ৰেম বিবাহ কৰাইছিল। অৰুণ লাল ২০১৬ চনত হনুৰ কৰ্কট ৰোগত আক্ৰান্ত হৈছিল। কিন্তু অৰুণ লালে হাৰ মনা নাছিল। তেওঁ সুস্থ হৈ উঠিছিল আৰু তেওঁৰ প্ৰশিক্ষণ কেৰিয়াৰ আৰম্ভ কৰিছিল। তেওঁ বেংগল ক্ৰিকেট দলৰ দায়িত্ব গ্ৰহণ কৰিছিল। এইবাৰ অৰুণ লালে আন এটা দায়িত্বৰ সৈতে জীৱনৰ এক নতুন ইনিংছ আৰম্ভ কৰিবলৈ সাজু হৈছে।






FOLLOW US F
POPULAR
FEATURE
TRENDY
শিৱসাগৰত আহোম যুৱকক গাহৰি মাংস বিক্ৰীত বাধা মুছলমান যুৱকৰ! উত্তপ্ত পৰিস্থিতিৰ সৃষ্টি
বয়সৰ আগতেই মুখত পৰিছে নেকি বয়সৰ চাপ! জীৱনত এইবোৰ পৰিৱৰ্তন কৰক
আমেৰিকাক পুটিনৰ সকীয়নি ; ভাৰত-চীনক দুৰ্বল কৰাৰ চেষ্টা নকৰিব
'চীনৰ হাতত ভাৰত-ৰাছিয়াক হেৰুৱাই পেলোৱা যেন লাগিছে'- ড’নাল্ড ট্ৰাম্প
এতিয়াৰ পৰা UPI-ত ৫ লাখ পৰ্যন্ত পেমেন্ট সহজ ! NPCI-এ বঢ়ালে UPI ৰ লেনদেনৰ সীমা
সত্যাগ্রহ, প্রতিলিপি দাহেৰে উত্তাল ৰাজ্য ; ২০২৪ চনলৈকে অমুছলমান বিদেশীক আশ্রয় দিয়া কেন্দ্ৰৰ অধিসূচনাৰ প্ৰতিবাদ
গোৱালপাৰাত ভয়ংকৰ ডকাইতি কাণ্ড! দম্পতীক গুৰুতৰভাৱে আহত কৰি লুটি নিলে লাখ টকা নগদ ধনসহ সোণৰ অলংকাৰ
সকলো ঋতুতে চজিনাৰ গছে দিব ফল
ফ্রান্সত জিলিকিছে ডাঃ সুনয়না নেচাৰ বৰুৱা
শ্ৰীভূমিত শ্ৰেণীকোঠাত একাদশ শ্ৰেণীৰ ছাত্ৰৰ পকেটৰ পৰা উদ্ধাৰ আগ্নেয়াস্ত্র
৩-৪ ছেপ্টেম্বৰত অনুষ্ঠিত হ'ব জিএছটি পৰিষদৰ ৫৬ সংখ্যক বৈঠক ; চৰকাৰৰ প্ৰস্তাৱক লৈ প্ৰশ্ন উত্থাপন কৰিব এই ৮খন ৰাজ্যই
ৰফিক আলীয়ে পলুৱাই নিছিল সন্তানসহ পৱন বৰ্মনৰ পত্নীক! নাগ্ৰীজুলি আৰক্ষীয়ে তামিলনাডুৰ পৰা কৰিলে উদ্ধাৰ
প্ৰধানমন্ত্ৰী নৰেন্দ্ৰ মোদীৰ জনপ্ৰিয়তা হ্রাস, 'ইণ্ডিয়া টুডে'-'চি' ভোটাৰৰ মুড অব দ্য নেশ্যন'
ছৈয়দা হামিদৰ বিৰুদ্ধে ১৫খন জিলাত অজাপৰ এজাহাৰ