কাতি বিহুৰ দিনাই ৰঙাপৰাত গো মাংস উদ্ধাৰ ; দহজনীয়া দলৰ পলায়ন

ডিজিটেল ডেস্কঃ কাতি বিহুৰ দিনাই ৰঙাপৰাত উদ্ধাৰ হ’ল গো মাংস ৷ গৰুৰ মাংস উদ্ধাৰ হোৱা ঘটনাই চাঞ্চল্যৰ সৃষ্টি কৰিছে ৰঙাপৰাত ৷ 

ৰঙাপৰাৰ ঠাকুৰবাৰী খেল পথাৰৰ কাষতে থকা নৈৰ পাৰত উদ্ধাৰ হয় মাংসখিনি ৷ কেইজনমান যুৱকে নৈখনৰ পাৰত বহু লোকে গো মাংস কাটি থকা প্ৰত্যক্ষ কৰে ৷ উক্ত লোক কেইজনে যুৱক কেইজনক উক্ত স্থানৰ পৰা আতৰি যাবলৈ কয় ৷ পাছত যুৱক কেইজনে আন যুৱকক খবৰ দিয়াত একাংশ লোক উপস্থিত হোৱাৰ পূৰ্বেই গো মাংস কাটি থকা লোক কেইজন মাংস লৈ পলায়ন কৰে ৷ লোক কেইজনে দুখন চাইকেল এখন দা আৰু কিছু মাংস থৈ পলায়ন কৰে ৷ 

প্ৰায় দহজনীয়া এটি দলে গো মাংস কাটি বিতৰন কৰি থকা প্ৰত্যক্ষ কৰিছিল যুৱকৰ দলটিয়ে ৷ ৰাইজে ৰঙাপৰা আৰক্ষীক খবৰ দিয়াত আৰক্ষীৰ এটি দল ঘটনাস্থলীত উপস্থিত হৈ গৰু মুৰ, দুখন ঠেং আৰু এটা বেগৰ ভিতৰত মাংস উদ্ধাৰ কৰাৰ লগতে এখন দা আৰু দুখন চাইকেল জব্দ কৰে ৷ আৰক্ষীয়ে বৰ্তমান তদন্ত আব্যাহত ৰাখিছে ৷