কেৰালা ভাৰতৰ প্রথম অত্যন্ত দৰিদ্ৰতামুক্ত ৰাজ্য

ডিজিটেল ডেস্কঃ কেৰালা ৰাজ্য গঠনৰ বাৰ্ষিকীৰ সৈতে সংগতি ৰাখি অহা ১ নৱেম্বৰত মুখ্যমন্ত্ৰী পিনাৰায়ী বিজয়নে ৰাজ্যখনক 'অত্যন্ত দৰিদ্ৰতামুক্ত' ৰাজ্যৰূপে ঘোষণা কৰিব।

তিৰুৱনন্তপুৰমৰ চেন্ট্রেল ষ্টেডিয়ামত অনুষ্ঠিত হ'বলগীয়া উক্ত অনুষ্ঠানত চলচ্চিত্ৰ তাৰকা তথা সাংসদ কামাল হাচান, মামুটি আৰু মোহনলাল মুখ্য অতিথিৰূপে উপস্থিত থাকিব। ৰাজ্যৰ সকলো মন্ত্ৰীৰ উপস্থিতিত উক্ত ঘোষণা কৰা হ'ব। মূল অনুষ্ঠানৰ আগতে সাংস্কৃতিক কার্যসূচী থাকিবলগীয়া উক্ত অনুষ্ঠানলৈ বিৰোধী দলৰ দলপতিকো নিমন্ত্রণ জনোৱা হ'ব। 

তিৰুৱনন্তপুৰৰ্মত এখন সংবাদমেলত স্থানীয় স্ব-শাসন দপ্তৰৰ মন্ত্ৰী এম বি ৰাজেশ আৰু শিক্ষা মন্ত্রী ভি শিৱানকুট্টিয়ে কয়, 'অত্যন্ত দৰিদ্ৰতা দূৰ কৰি কেৰালাই পুনৰ ইতিহাস ৰচিলে। এই লক্ষ্যত উপনীত হোৱা ভাৰতৰ প্ৰথম ৰাজ্য হোৱাৰ লগতে এই লক্ষ্যত উপনীত হোৱা কেৰালা বিশ্বৰ দ্বিতীয় অঞ্চল হ'ল।

উৎসঃ দৈনিক জনমভূমি