ছট্টিশগড়ত এন এইচ এমৰ ১৪ সহস্রাধিক কৰ্মচাৰীৰ পদত্যাগ

ডিজিটেল ডেস্ক : ছট্টিশগড়ত আন্দোলনৰ নেতৃত্ব দিয়া ৰাষ্ট্ৰীয় স্বাস্থ্য অভিযানৰ (এন এইচ এম) ২৫গৰাকী কৰ্মচাৰীক চৰকাৰে বৰ্খাস্ত কৰাৰ পাছত এন এইচ এমৰ আন্দোলনৰত ১৪,০০০তকৈ অধিক ঠিকাভিত্তিক বিষয়া আৰু কৰ্মচাৰীয়ে পদত্যাগ-পত্ৰ দাখিল কৰে। শুকুৰবাৰে তেওঁলোকৰ এজন প্রতিনিধিয়ে এই কথা জনায়।

চাকৰিৰ নিয়মীয়াকৰণ আৰু কৰ্মৰ পৰিৱেশ উন্নীতকৰণকে ধৰি বিভিন্ন দাবীৰে এন এইচ এমৰ কৰ্মচাৰীসকলে ১৮ আগষ্টৰ পৰা আন্দোলন কৰি আছে। কিন্তু ছট্টিশগড় প্রদেশ এন এইচ এম কৰ্মচাৰী সংঘৰ এজন বিষয়ববীয়াৰ মতে তেওঁলোকৰ দীৰ্ঘদিনীয়া দাবী পূৰণ কৰাৰ পৰিৱৰ্তে চৰকাৰে শাস্তিমূলক ব্যৱস্থা গ্রহণ কব্বিলৈ লৈছে।

উল্লেখযোগ্য যে ৰাষ্ট্ৰীয় স্বাস্থ্য অভিযানৰ (এন এইচ এম) লক্ষ্য হৈছে পক্ষপাতিত্বহীন, বহনসাধ্য আৰু মান সম্পন্ন স্বাস্থ্য সেৱা আগবঢ়োৱা। এই আঁচনিৰ অধীনত চিকিৎসক আৰু নাৰ্ছকে ধৰি বৃহৎসংখ্যক কৰ্মচাৰী নিয়োজিত হৈ আছে।

উৎসঃ দৈনিক জনমভূমি