কাৰ্বি আংলঙৰ হাওৰাঘাটত হৃদয়বিদাৰক ঘটনা ; ৮ দিনীয়া সন্তানক হত্যাৰ অপৰাধত মাতৃক গ্ৰেপ্তাৰ

ডিজিটেল ডেস্কঃ কাৰ্বি আংলং জিলাৰ হাওৰাঘাট আৰক্ষী চকীৰ অন্তৰ্গত চিতলমাৰীত সংঘটিত হৈছে এক হৃদয়বিদাৰক হত্যাকাণ্ডৰ ৰহস্য ।

নিজৰ মাত্ৰ ৮ দিনীয়া নিষ্পাপ সন্তানক হত্যা কৰাৰ অভিযোগত আৰক্ষীয়ে গ্ৰেপ্তাৰ কৰিছে মাতৃ চুমি নাথক(২৬)।

চিতলমাৰীৰ বাসিন্দা পিংকু নাথৰ পত্নী চুমিয়ে বিধানসভা নিৰ্বাচনৰ নিশা এই জঘন্য কাণ্ড সংঘটিত কৰিছিল । আৰক্ষীৰ জেৰাত পাষণ্ড মাতৃগৰাকীয়ে ইতিমধ্যে নিজৰ অপৰাধ স্বীকাৰ কৰিছে ।

এই খবৰ বিয়পি পৰাৰ লগে লগে সমগ্ৰ অঞ্চলটোতে তীব্ৰ প্ৰতিক্ৰিয়াৰ সৃষ্টি হৈছে । শ শ পুৰুষ-মহিলাই ৰাজপথলৈ ওলাই আহি হত্যাকাৰী মাতৃগৰাকীৰ ফাঁচীৰ দাবী জনায়।

প্ৰতিবাদকাৰী ৰাইজে ৮ দিনীয়া দেৱশিশুটিয়ে যাতে শান্তি পায়, তাৰ বাবে ১ মিনিট সময় মৌন প্ৰাৰ্থনাও কৰে। এগৰাকী মাতৃয়ে কিয় ইমান জঘন্য কাণ্ড কৰিলে তাৰ ৰহস্য এতিয়াও উদ্ভাৱন হোৱা নাই । হাওৰাঘাট আৰক্ষীয়ে ঘটনাৰ অধিক তথ্যৰ বাবে তদন্ত অব্যাহত ৰাখে ।