আন্দামানৰ অগভীৰ অফশ্ব'ৰ ব্লকত অইলৰ প্ৰাকৃতিক গেছৰ সন্ধান

ডিজিটেল ডেস্ক : পেট্রলিয়াম আৰু প্ৰাকৃতিক গেছ মন্ত্ৰ্যালয়ৰ অধীনস্থ এক মহাৰত্ন প্রতিষ্ঠান অইল ইণ্ডিয়া লিমিটেডে অ'পেন এক্রিয়েজ লাইচেন্সিং পলিচি (অ' এ এল পি)ৰ অধীনত অফশ্ব'ৰ আন্দামান ব্লক AN-OSHP-2018/1 ত খনন কৰা দ্বিতীয় অন্বেষণমূলক কূপ বিজয়াপুৰাম-২ (Loc. OAEA)ত প্রাকৃতিক গেছৰ উপস্থিতিৰ তথ্য লাভ কৰিছে। 

প্ৰাৰম্ভিক উৎপাদন পৰীক্ষাৰ অংশ হিচাপে মাজে মাজে হোৱা গেছ প্ৰৱাহৰ সময়ত সংগৃহীত গেছ নমুনাৰ প্ৰাথমিক বিশ্লেষণত প্রাকৃতিক গেছৰ উপস্থিতি নিশ্চিত হৈছে। এই গেছ নমুনাৰ উৎস বুজিবলৈ গেছ আইছ'ট'প অধ্যয়ন বর্তমান চলাই থকা হৈছে। প্ৰাৰম্ভিক মূল্যায়ন অনুসৰি, এই ফলাফলটো উৎসৰ উপস্থিতি, গেছৰ স্থানান্তৰৰ পথ অথবা হাইড্র'কাৰ্বনৰ সঞ্চয়ৰ সূচক হ'ব পাৰে, যি ভৱিষ্যতৰ অনুসন্ধান আৰু খনন কৌশল নির্ধাৰণত সহায়ক হ'ব। 

ইয়াৰ উপৰি, গেছৰ এই সন্ধান অধিক মূল্যায়ন কৰিবলৈ বৰ্তমান উচ্চ সম্ভাব্য ক্ষেত্ৰসমূহত অতিৰিক্ত পৰীক্ষাও আৰম্ভ কৰিছে। উল্লেখযোগ্য যে আন্দামানৰ অগভীৰ অফশ্ব'ৰ ব্লকত চলি থকা অন্বেষণ অভিযানত প্ৰথমবাৰৰ বাবে হাইড্ৰ'কাৰ্বনৰ উপস্থিতিৰ তথ্য লাভ কৰিছে।

উৎসঃ দৈনিক জনমভূমি