ডিজিটেল ডেস্কঃ ৰঙালীৰ আনন্দ উল্লাসৰ মাজতে জোনাইৰ চন্দ্ৰপুৰস্থিত ৫১৫ নং ৰাষ্ট্ৰীয় ঘাইপথত আজি পুৱা সংঘটিত হয় এক শোকাৱহ দুৰ্ঘটনা। এই দুৰ্ঘটনাত থিতাতে নিহত হয় এজনৰ।
জানিব পৰা মতে জোনাইত কালুৱালা কোম্পানীৰ অধীনত চলি থকা চাৰি লেনযুক্ত ৰাষ্ট্ৰীয় ঘাইপথ নিৰ্মাণত ব্যৱহৃত ফ'কলেণ্ডখন টেইলাৰত উঠাবলৈ লওঁতেই বাগৰি পৰে ফ'কলেণ্ডখন। যাৰ ফলত ফ'কলেণ্ডখনৰ ভিতৰত চালকগৰাকী আৱদ্ধ হৈ তেওঁৰ মৃত্যু হয়।
নিহত চালক গৰাকী ঝাৰখণ্ডৰ চুনু য়াদৱ (২৫) বুলি জানিব পৰা গৈছে। ইতিমধ্যে ঘটনাস্থলীত আৰক্ষী উপস্থিত হৈ চালকজনক উদ্ধাৰ কৰি মৰণোত্তৰ পৰীক্ষাৰ বাবে চিকিৎসালয়লৈ প্ৰেৰণ কৰাৰ ব্যৱস্থা গ্ৰহণ কৰিছে ।
Continue Reading
