কাৰ্বি আংলঙৰ হাওৰাঘাটত মৰেল পুলিচৰ কাণ্ডই জোকাৰিছে সমগ্ৰ অঞ্চল

ডিজিটেল ডেস্কঃ কোন দিশে গতি কৰিছে মানৱ সমাজ ! ৰাজ্যত অস্বাভাবিক হাৰত বৃদ্ধি পাইছে মৰেল পুলিচিংৰ ঘটনা ।

যোৱা মঙ্গলবাৰে এগৰাকী মহিলাৰ ওপৰত চলিল মৰেল পুলিচৰ আক্ৰমণ । ঘটনা সংঘটিত হয় কাৰ্বি আংলং জিলাৰ হাওৰাঘাটৰ পান ইংতি গাঁৱত । সাংবাদিকক মহিলা গৰাকীয়ে জনায় যে মহিলাগৰাকীক অতি নিৰ্মম ভাবে লাঠিৰে কোবায় ।আনকি তেওঁক ৰদেৰে খুচি খুচি আৰু ডিঙি চেপি আক্ৰমণ কৰে ।

একাংশ উগ্ৰ মহিলাই আৰু মহিলা গৰাকীৰ পূৰ্বৰ স্বামী পিন্টো দেৱনাথ সমগ্ৰ ঘটনাত উপস্থিত আছিল । সকলোৱে মিলি পিন্টো দেৱনাথৰ নিৰ্দেশত মহিলা গৰাকীৰ চুলি কেছীৰে কাটি দিয়ে বুলি জানিব পৰা গৈছে ।

পৰৱৰ্তী সময়ত ঘটনাস্থলীৰ পৰা সংকট জনক অৱস্থাত মহিলা গৰাকীক উদ্ধাৰ কৰে হাওৰাঘাট আৰক্ষীয়ে । তাৰ পিছতেই হাওৰাঘাট চৰকাৰী চিকিৎসালয়ত আৰক্ষীয়ে স্বাস্থ্য পৰীক্ষা কৰায় । পৰৱৰ্ত্তী সময়ত ভুক্তভোগী মহিলা গৰাকীয়ে ন্যায় বিচাৰি আৰক্ষীক এজাহাৰ দাখিল কৰে যদিও বাতৰি যুগুতুৱা সময়লৈ কোনো লোকক আটক কৰিবলৈ সক্ষম হোৱা নাই হাওৰাঘাট আৰক্ষীয়ে।