ডিজিটেল ডেস্ক : মাহৰ শেষৰটো দেওবাৰে নিয়মীয়াকৈ অনুষ্ঠিত হৈ অহা প্ৰধানমন্ত্ৰীৰ 'মন কী বাত’ অনুষ্ঠানটো আজি সমগ্ৰ দেশৰ লগতে অসমৰো প্ৰতিটো বুথত আয়োজিত কৰা হৈছে ৷
ইতিমধ্যে ৰাজ্যখনৰ প্ৰায় ২৯ হাজাৰ বুথত ইয়াৰ বাবে প্ৰস্তুতি সম্পূৰ্ণ কৰি তোলা হৈছে ৷ এই অনুষ্ঠানৰ বাবে বুথভিত্তিক প্ৰভাৰীও নিযুক্ত কৰা হৈছে ৷ আজি প্ৰধানমন্ত্ৰী নৰেন্দ্ৰ মোদীৰ 'মন কী বাত’ অনুষ্ঠানে ১২২টা সংখ্যা অতিক্ৰম কৰিব ৷
উল্লেখ্য যে আজি 'মন কী বাত’ অনুষ্ঠানৰ সামৰণিৰ পিছতেই সমগ্ৰ ৰাজ্যৰ প্ৰতিটো বুথৰ পৰা উলিওৱা হ’ব 'ত্ৰিৰংগা যাত্ৰা’ ৷ পাকিস্তানী সন্ত্ৰাসবাদীৰ বিৰুদ্ধে সাহসেৰে যুঁজ দি অহা মহান ভাৰতীয় সৈনিকসকলৰ মনোবল বৃদ্ধি কৰাৰ লগতে দেশৰ প্ৰধানমন্ত্ৰীগৰাকীৰ নিৰ্ণায়ক ভূমিকাৰ প্ৰশংসাৰে এই 'ত্ৰিৰংগা যাত্ৰা’ উলিওৱা হ’ব বুলি প্ৰকাশ কৰি উক্ত কাৰ্যসূচী সফল কৰি তোলাৰ বাবে ৰাজ্যিক বিজেপিৰ সভাপতি দিলীপ শইকীয়াই দলৰ কাৰ্যকৰ্তা আৰু ৰাইজলৈ আহ্বান জনায়।
Continue Reading
