আমেৰিকাৰ পৰা স্বদেশলৈ ধন পঠিওৱা ভাৰতীয়ই ভৰিব লাগিব ৮,৭৫০ কোটি টকা কৰ

উল্লেখযোগ্য যে অহা বছৰৰ এক জানুৱাৰীৰ পৰা এই নতুন নিয়ম কাৰ্যকৰী হ'ব। উল্লেখযোগ্য যে ২০২৩-২৪ বর্ষত বিদেশত কৰ্মৰত লোকসকলে ভাৰতলৈ প্ৰায় ১৩,০০০ কোটি ডলাৰ প্ৰেৰণ কৰিছিল। ইয়াৰে ৩০০০ কোটি ডলাৰ অর্থাৎ প্রায় ২৩% আমেৰিকাৰ পৰা আহিছিল। দেশখনত কৰ্মৰত ৪৫ লাখ ভাৰতীয়ই এই ধন নিজৰ দেশলৈ প্ৰেৰণ কৰিছিল। ট্রাম্পৰ নতুন নীতিৰ ফলত ভাৰতীয়সকলে ঘৰলৈ প্ৰেৰণ কৰা ধনত প্রায় ১০৫ কোটি ডলাৰ অৰ্থাৎ প্রায় ৮,৭৫০ কোটি টকাৰ কৰ পৰিশোধ কৰিব লাগিব। 

ই ভাৰতীয় অর্থনীতিকো প্ৰভাৱিত কৰিব পাৰে। এই বিধেয়কখনৰ জৰিয়তে ২০১৭ চনৰ কৰ কৰ্তনক স্থায়ী কৰিবলৈ বিচৰা হৈছে। বিধেয়কখনৰ জৰিয়তে ট্রাম্প প্রশাসনে পুনৰ ব্যৱহাৰযোগ্য শক্তিত দি অহা ৰাজসাহায্য বন্ধ কৰিব। ইয়াৰ লগতে ইলেক্ট্রিক গাড়ীত থকা কৰ ৰেহায়ো সমাপ্ত কৰা হ'ব। ট্রাম্পৰ এই নতুন বিধেয়কখনে আমেৰিকাৰ অর্থনীতিক মন্দাৱস্থাৰ দিশলৈ লৈ যোৱাৰ আশংকা কৰা হৈছে। ইকনমিক টাইমত প্রকাশিত এটা বাতৰি মতে, এই বিধেয়কে অহা দহ বছৰত আমেৰিকাৰ মুঠ ঘৰুৱা উৎপাদন ১ লাখ কোটি ডলাৰ হ্ৰাস কৰিব। 'দ্য গার্ডিয়ান'ত প্রকাশ পোৱা এটা বাতৰি মতে, এই নতুন নীতিৰ জৰিয়তে পুনৰ ব্যৱহাৰযোগ্য শক্তিৰ ক্ষেত্ৰত দি অহা ৰাজসাহায্য হ্রাস কৰাৰ ব্যাপক প্ৰভাৱ পৰিব আমেৰিকাৰ অৰ্থনীতিত। ইয়াৰ ফলত দেশখনত প্রায় ৮.৩০ লাখ চাকৰিৰ প্ৰতি ভাবুকিৰ সৃষ্টি হ'ব। ইয়াৰ লগতে আমেৰিকাৰ ঋণৰ পৰিমাণ ৩.৮ লাখ কোটি ডলাৰলৈ ইয়াৰ লগতে আমেৰিকাৰ ঋণৰ পৰিমাণ ৩.৮ লাখ কোটি ডলাৰলৈ বৃদ্ধি পাব।

উৎসঃ দৈনিক জনমভূমি