ডিজিটেল ডেস্কঃ আমেৰিকা যুক্তৰাষ্ট্ৰত কিছুদিনপূৰ্বে সংঘটিত হোৱা গুলীয়াগুলীৰ ঘটনাৰ পাছত স্মৃতিচাৰণ অনুষ্ঠান তথা গ্ৰীষ্মকালীন বেচৰকাৰী সূচনাৰ পাছতে দেশখনত বিগত ৭ দিনত ক’ভিড-১৯ৰ সংক্ৰমণৰ হাৰ ৬গুণলৈ বৃদ্ধি পাইছে। বিগত বৰ্ষৰ তুলনাত ক্ৰমশঃ কৰ’না সংক্ৰমণৰ হাৰ বৃদ্ধি পোৱা বুলি ‘দ্য হিল’ কাকতত প্ৰকাশ পাইছে।
জনছ হপকিন্স ক’ৰোনা ভাইৰাছ ৰিচ’ৰ্ছ চেণ্টাৰে জনোৱা মতে, আমেৰিকাত শনিবাৰলৈ ৭ দিনত গড়ে ১ লাখ ১৯ হাজাৰ ৭২৫ গৰাকী কৰ’নাক্ৰান্তক চিনাক্ত কৰা হৈছে। বিগত বৰ্ষৰ ২৬ মে’ত আক্ৰান্তৰ সংখ্যা আছিল ১৬,০০৬ জন।
বহু লোকে ঘৰতে ক’ভিড-১৯ পৰীক্ষা কৰিছে যদিও ৰিপৰ্ট অহা নাই। সেইবাবে আক্ৰান্তৰ সংখ্যা আৰু অধিক বৃদ্ধি পাব বুলি বিশেষজ্ঞসকলে মত প্ৰকাশ কৰিছে। আমেৰিকাৰ স্বাস্থ্য বিষয়াসকলে পুনৰ এই মহামাৰীৰ আন এক ঢৌৰ মুখামুখি হ’বলৈ বিচৰা নাই। এই সন্দৰ্ভত আমেৰিকাৰ জনসাধাৰণক সতৰ্ক কৰি দিছে বিশেষজ্ঞসকলে।
Continue Reading
