ডিজিটেল ডেস্কঃ তুৰস্কৰ ড্ৰ’নৰ জৰিয়তে ৰাছিয়াৰ আৰ্টিলাৰী ব্যৱস্থা আৰু সাজসজ্জিত বাহনসমূহক প্ৰত্যহ্বান জনোৱাৰ পাছত তুৰস্কৰ বেৰাকটাৰ TB2 ড্ৰ’নৰ চাহিদা বিশ্বজুৰি বৃদ্ধি পাইছে। ইস্তানবুলস্থিত ড্ৰ’ন নিৰ্মাতা কোম্পানী বেকাৰৰ পৰিচালক চেলচুক বেৰাকটাৰে কয় যে, এই ড্ৰ’নে আধুনিক যুদ্ধত এক বৈপ্লৱিক পৰিৱৰ্তন আনিবলৈ সক্ষম হৈছে। বেৰাকটাৰে যি কৰিব বুলি আশা কৰা হৈছিল, তাকে কৰিলে। বাকুত অনুষ্ঠিত এখন প্ৰদৰ্শনীত সংবাদ মাধ্যমৰ আগত তেওঁ কয় যে, সমগ্ৰ বিশ্বই এতিয়া এই ড্ৰ’নৰ ক্ৰেতা হৈ পৰিছে। বছৰি ২০০ টা এনেধৰণৰ ড্ৰ’ন নিৰ্মাণ কৰিব পাৰে বুলিও দাবী বেৰাকটাৰৰ।
১২ মিটাৰ উইং সমৃদ্ধ TB2 ড্ৰ’নে ২৫ হাজাৰ মিটাৰ উচ্চতাত উৰিব পাৰে। এই ড্ৰ’নে লেজাৰ-নিৰ্দেশিত কৱচ-পাৰ্চিং বোমাৰে টেংক আৰু আৰ্টিলাৰী ধ্বংস কৰিব পাৰে। TB2 ড্ৰ’নৰ সহায়ত ইউক্ৰেইনে বহুত শক্তিশালী ৰাছিয়াৰ সেনাবাহিনীক প্ৰতিহত কৰি আহিছে।
ৰাছিয়াৰ ৰাষ্ট্ৰপতি ভ্লাদিমিৰ পুটিনৰো চকু কপালত তুলিছে এই TB2 ড্ৰ’নে। ২৪ ফেব্ৰুৱাৰীত ইউক্ৰেইনত যুদ্ধ আৰম্ভ হোৱাৰ পিছত ৰাছিয়াৰ প্ৰতিৰক্ষা মন্ত্ৰালয়ে কমেও ৪৫ বাৰ এই ড্ৰ’নৰ কথা উল্লেখ কৰিছে।
ছিৰিয়া, ইৰাক, লিবিয়া, কাৰাবাখ, আৰু এতিয়া ইউক্ৰেইনৰ যুদ্ধত তুৰস্কৰ অস্ত্ৰই বিশেষ গুৰুত্ব বহন কৰিছে।
Continue Reading
