ডিজিটেল ডেস্কঃ বিলাসীপাৰাৰ চিৰাকুটা ১৭ নং ৰাষ্ট্ৰীয় ঘাইপথত সংঘটিত হৈছে ভয়ংকৰ পথ দুৰ্ঘটনা। যাত্ৰীবাহী আলট্ৰা বাছ আৰু এল্টো মাৰুতি বাহনৰ মাজত মুখামুখি সংঘৰ্ষ । সংঘৰ্ষৰ ফলত ৬ জনকৈ যাত্ৰীৰ লগতে পথচাৰী গুৰুতৰভাৱে আঘাতপ্ৰাপ্ত হয়।
আঘাতপ্ৰাপ্তসকলক স্থানীয় ৰাইজে ততাতৈয়াকৈ বিলাসীপাৰা আদৰ্শ চিকিৎসালয়ত ভৰ্তি কৰায়। চিকিৎসকে ৫ জনৰ অৱস্থা অতি সংকটজনক হোৱাৰ বাবে উন্নত চিকিৎসাৰ বাবে ধুবুৰী চিকৎসা মহাবিদ্যালয়লৈ প্ৰেৰণ কৰে।
ঘটনাস্থলীত দুৰ্ঘটনাক কেন্দ্ৰ কৰি উত্তপ্ত পৰিস্থিতিৰ সৃষ্টি হয়। পিছত ঘটনাস্থলীত শালকোচা আৰক্ষীৰ দল উপস্থিত হৈ পৰিস্থিতি নিয়ন্ত্ৰণ কৰে।
দুৰ্ঘটনা সংঘটিত কৰা মাৰুতি বাহন খন ভাঙি চুৰমাৰ হয়। দুৰ্ঘটনা সংঘটিত কৰা যাত্ৰীবাহী বাছখনৰ নম্বৰ হ'ল AS 15 C 7983 আৰু মাৰুতি এল্টো বাহন খনৰ নম্বৰ AS 01 BP 9677।
যাত্ৰীবাহী বাছখন গোৱালপাৰাৰ পৰা ধুবুৰী অভিমুখে আৰু মাৰুতি এল্টোখন ধুবুৰীৰ পৰা বৰপেটা অভিমুখে গৈ থকা অৱস্থাত মুখামুখি সংঘৰ্ষ হয়।
আহত ব্যক্তিসলক হ'ল- ধুবুৰীৰ জৰুৱাৰ চৰৰ ৰসিদা খাতুন, সোনাভান বিবি, সোমেৰ আলী, মনোৱাৰ আলী, সাহেদ আলী বুলি জানিব পৰা গৈছে।
Continue Reading
