বৰপেটাৰোডত অবৈধ ৬ টকীয়া লটাৰী টিকট বিক্ৰেতাক আটক

ডিজিটেল ডেস্কঃ  বৰপেটাৰোডত অবৈধ ৬ টকীয়া লটাৰী টিকট বিক্ৰেতাক আটক।

বৰপেটাৰোডৰ চাউল বজাৰত অভিযান চলাই আৰক্ষীয়ে তিনি জন অবৈধ লটাৰী টিকট বিক্ৰেতাক আটক কৰে।

লটাৰী টিকট বিক্ৰেতা কেইজন হৈছে- লব চন্দ্ৰ সৰকাৰ, তাপস সাহা আৰু ভোলানাথ সৰকাৰ।

ৰাজ্যখনত লটাৰীৰ বিক্ৰী নিষিদ্ধ যদিও এটা মাফিয়া চক্ৰই বৰ্হিঃৰাজ্যৰ পৰা চোৰাংভাবে ৬ টকীয়া লটাৰী টিকট সৰবৰাহ কৰি বৰপেটাৰোডৰ পৰিবেশ বিঘ্নিত কৰি তুলিছিল।

প্ৰাগ নিউজত বৰপেটাৰোডত আৰক্ষীৰ সন্মুখতে অবৈধভাবে চলি থকা লটাৰীৰ বাতৰি সম্প্ৰচাৰৰ পিচতে গা লৰে আৰক্ষীৰ আৰু আজি বৰপেটাৰোড আৰক্ষীয়ে চাউল বজাৰত অভিযান চলাই তিনিজনকৈ লটাৰী বিক্ৰেতাক আটক কৰে।

প্ৰশ্ন হৈছে ৰাজ্যখনত আইনীভাবে নিষিদ্ধ বৰ্হিঃৰাজ্যৰ লটাৰীৰ ব্যৱসায়ৰ সৈতে জৰিত বৃহৎ মাফিয়া চক্ৰটোক আৰক্ষীয়ে আটক কৰিবনে ? নে লটাৰী মাফিয়াসকলক ৰেহাই দিবলৈ কেবল পুঠি-খলিহনা আটক কৰিয়েই দায়িত্ব সামৰিব বৰপেটাৰোড আৰক্ষীয়ে।

স্থানীয় লোকে লটাৰী মাফিয়া সকলক আটক কৰিবলৈ দাবী জনাইছে। উল্লেখ্য যে, ছাত্ৰ সন্থাকে ধৰি বিভিন্ন দল সংগঠনে বৰপেটাৰোড চহৰত অবৈধভাবে চলি থকা লটাৰী বন্ধৰ দাবী জনাই আহিছে।