ডিজিটেল ডেস্কঃ নিবনুৱাৰ ক্ষেত্ৰত কেন্দ্ৰৰ বিভিন্ন প্ৰতিবেদনৰ মাজতে প্ৰকাশ পাইছে এক আন্তঃৰাষ্ট্ৰীয় প্ৰতিবেদন৷এই প্ৰতিবেদন প্ৰকাশ কৰিছে বিশ্ব বেংকে৷বিশ্ব বেংকৰ তথ্য অনুসৰি ২০২২ চনত ভাৰতত যুৱ নিবনুৱাৰ হাৰ ২৩.২২%, যাৰ বিপৰীতে ভাৰতৰ চুবুৰীয়া দেশ পাকিস্তান (১১.৩%), বাংলাদেশ (১২.৯%) আৰু ভূটান (১৪.৪%)তহে আছিল৷প্ৰতিবেদন অনুসৰি একে বছৰতে চীনত নিবনুৱাৰ হাৰ ১৩.২%, ছিৰিয়াত ২২.১%, ইণ্ডোনেছিয়াত ১৩%, মালয়েছিয়াত ১১.৭%, ভিয়েটনামত ৭.৪%, দক্ষিণ কোৰিয়াত ৬.৯% আৰু ছিংগাপুৰত ৬.১% আছিল।
যুৱ নিবনুৱাৰ হাৰে কৰ্মশক্তিৰ এনে লোকক বুজায় যিসকলৰ বয়স ১৫ৰ পৰা ২৪ বছৰ আৰু তেওঁলোকৰ চাকৰি নাই, কিন্তু সক্ৰিয়ভাৱে চাকৰি বিচাৰিছে।অৰ্থাৎ ভাৰতত এই সংখ্যা বিগত বৰ্ষত আছিল চিন্তনীয়ভাৱে বেছি৷
লোকনীতি-চিএছডিএছৰ সমীক্ষাত দেখা গৈছে যে ১৫-৩৪ বছৰ বয়সৰ প্ৰায় ৩৬% ভাৰতীয়ই যুৱ নিবনুৱা সমস্যা দেশৰ আটাইতকৈ ডাঙৰ সমস্যা বুলি বিশ্বাস কৰে। ভাৰতীয় যুৱক-যুৱতীসকলৰ কেৰিয়াৰৰ আকাংক্ষা, চাকৰিৰ পছন্দ আৰু আশা-আকাংক্ষাৰ বিশ্লেষণৰ বাবে এই সমীক্ষা চলোৱা হৈছিল।
Continue Reading
