ডিজিটেল ডেস্ক: এজন ব্যতিক্ৰমী আৰক্ষী৷ আৰক্ষীৰ পোছাকৰ আঁৰত তেওঁ লৈ ফুৰে এটা সংবেদনশীল মন৷ প্ৰকৃতিৰ প্ৰতি দায়বদ্ধ তেওঁ৷ আৰক্ষী বুলি ক’লেই একাংশ লোকৰ মনত থকা যি নঞৰ্থক ধাৰণা, সেই ধাৰণাক ভুল প্ৰতিপন্ন কৰিলে এইজন আৰক্ষীয়ে৷
শেহতীয়াকৈ মধ্য প্ৰদেশৰ এজন কনিষ্টবলে সংবাদ শিৰোনাম দখল কৰিছে৷ ভাইৰেল হৈ পৰিছে তেওঁৰ এটা ভিডিঅ’৷ ভিডিঅ’টোত দেখা গৈছে যে তেওঁ এটা সাপক শ্বাস-প্ৰশ্বাস ঘূৰাই আনিবলৈ চেষ্টা কৰিছে৷ খবৰ অনুসৰি আৰক্ষীৰ দ্বাৰা কীটনাশক মিহলি পানী পান কৰাৰ পাছত অচেতন হৈ পৰা সাপটোক মুখেৰে ফুঁকিয়াই জীৱন দিবলৈ আপ্ৰাণ চেষ্টা কৰা দেখা গৈছে৷
ভিডিঅ’টো বহুলভাৱে শ্বেয়াৰ হৈছিল৷ বহুতে আৰক্ষীজনৰ কামৰ বাবে প্ৰশংসা কৰিছিল। অৱশ্যে, আৰক্ষীজনে সৰীসৃপটোক পুনৰুজ্জীৱিত কৰাৰ ক্ষেত্ৰত যি ভূমিকা পালন কৰিছিল সেয়া সন্দেহজনক। এজন পশু চিকিৎসকে কৈছিল যে চিপিআৰে এটা সাপক পুনৰুজ্জীৱিত নকৰে আৰু ই নিজে জ্ঞান ঘূৰাই পাব পাৰে।
ভাইৰেল ভিডিঅ’টো মধ্য প্ৰদেশৰ নৰ্মদাপুৰমৰ। অবিষাক্ত সাপটো এটা আৱাসিক কলনীৰ পাইপলাইনত প্ৰৱেশ কৰিছিল। যেতিয়া আৱাসীসকলে পাইপৰ ভিতৰৰ পৰা ইয়াক আঁতৰাবলৈ চেষ্টা কৰাত বিফল হৈছিল, তেওঁলোকে পাইপডালত কীটনাশক মিহলাই পানী ঢালিছিল।
পৰৱৰ্তী সময়ত কনিষ্টবল অতুল শৰ্মা (যি নিজকে স্ব-শিক্ষিত সৰ্প উদ্ধাৰকাৰী বুলি কয়) তেওঁ ঘটনাস্থলীত উপস্থিত হৈছিল আৰু সাপটো বিচাৰি উলিয়াইছিল।
Continue Reading
