ডিজিটেল ডেস্কঃ চলিত বিশ্বকাপত ভাৰতৰ ফৰ্ম ভাল। প্ৰথম ছয়খন খেলৰ ভিতৰত ৬খনতে জয়লাভ কৰে ৰোহিত শৰ্মাবাহিনীয়ে। এই জয়ৰ ফলস্বৰূপে ভাৰতে বিশ্বকাপত এক নজিৰ গঢ়ি তুলিছে। বিশ্বকাপ জয়ৰ সংখ্যাত ভাৰতে নিউজিলেণ্ডক চেৰ পেলাইছে। এতিয়া তেওঁলোকৰ আগত কেৱল অষ্ট্ৰেলিয়াহে আছে।
বিশ্বকাপত ইংলেণ্ডক পৰাস্ত কৰি ৫৯খন খেলত জয়লাভ কৰে ভাৰতে। নিউজিলেণ্ডে বিশ্বকাপত ৫৮টা জয় লাভ কৰিছে। এই জয়ৰ পূৰ্বে ভাৰত আৰু নিউজিলেণ্ড একে স্থানতে আছিল। কিন্তু স্থান সলনি হ’ল যেতিয়া নিউজিলেণ্ড ভাৰত আৰু অষ্ট্ৰেলিয়াৰ হাতত পৰাস্ত হয় আৰু ভাৰতে নিউজিলেণ্ড আৰু ইংলেণ্ডক পৰাস্ত কৰে। বিশ্বকাপত এতিয়া নিউজিলেণ্ডতকৈ এখন মেচ বেছিকৈ জয়ী হৈছে ভাৰতে।
এই বিশ্বকাপত ইংলেণ্ডে লজ্জাজনক নিদৰ্শন দাঙি ধৰিছে। দেওবাৰৰ খেলখনৰ সৈতে একেৰাহে চাৰিখন মেচত পৰাস্ত হৈছে জোছ বাটলাৰ্ছ। বিশ্বকাপত একেৰাহে চাৰিখন মেচত পৰাস্ত হোৱা ইংলেণ্ডে প্ৰথমবাৰৰ বাবে। আগতে এনেকুৱা হোৱা নাই।
Continue Reading
