ডিজিটেল ডেস্কঃ বাংলাদেশৰ বিৰুদ্ধে বলিং কৰি থাকোঁতে আঘাতপ্ৰাপ্ত হয় হাৰ্দিক পাণ্ডিয়া। নৱম অভাৰৰ শেষৰ তিনিটা বল বিৰাট কোহলীয়ে কৰে। সাধাৰণতে তেওঁ বলিং নকৰে। কিন্তু দলৰ প্ৰয়োজন হ’লে হাত ঘূৰাব পাৰি। হাৰ্দিকৰ আঘাতৰ পিছত কোহলিয়ে তেনেকুৱা কৰা দেখা গৈছিল। তেওঁ তিনিটা বলত ২ ৰান দিয়ে।
ইয়াৰ পূৰ্বেও কোহলীয়ে বিশ্বকাপত তিনিবাৰ বলিং কৰিছে। ২০১১ চনৰ বিশ্বকাপৰ কোৱাৰ্টাৰ ফাইনেলত অষ্ট্ৰেলিয়াৰ বিৰুদ্ধে ১ অভাৰত ৬ ৰান দিছিল। ফাইনেলতো শ্ৰীলংকাৰ বিৰুদ্ধে ১ অভাৰত ৬ ৰান বলিং কৰে। ২০১৫ চনৰ বিশ্বকাপৰ ছেমি ফাইনেলত অষ্ট্ৰেলিয়াৰ বিৰুদ্ধে ১ অভাৰত ৭ ৰান বলিং কৰিছিল। তাৰ আঠ বছৰৰ পাছত কোহলিয়ে পুনৰ বিশ্বকাপত বলিং কৰে।
কোহলীয়ে ছবছৰ পূৰ্বে শেষবাৰৰ বাবে এদিনীয়া ক্ৰিকেটত বলিং কৰিছিল। কলম্বোত শ্ৰীলংকাৰ বিৰুদ্ধে সেই মেচখনত তেওঁ ২ অভাৰত ১২ ৰান দিছিল। ইয়াৰ পিছত তেওঁ টেষ্টত চাৰিবাৰ আৰু টি-২০ত এবাৰ বলিং কৰে। কোহলীয়ে অন্তিমবাৰৰ বাবে আন্তঃৰাষ্ট্ৰীয় মেচত বলিং কৰিছিল ২০২২ চনৰ ৩১ আগষ্টত। হংকঙৰ বিৰুদ্ধে এছিয়া কাপৰ খেলখনত কোহলীয়ে ১ অভাৰত ৬ ৰান দিয়ে।
কোহলিৰ প্ৰথমটো বল আছিল এদিনীয়া মেচত। ২০০৯ চনত পাকিস্তানৰ বিৰুদ্ধে চেম্পিয়নছ ট্ৰফী মেচত তেওঁ ৩ অভাৰত বলিং কৰি ২১ ৰান খৰচ কৰে।
Continue Reading
