ডিজিটেল ডেস্ক : মার্কিন ৰাষ্ট্ৰপতি ড'নাল্ড ট্রাম্পে বৃহস্পতিবাৰে ঘোষণা কৰে যে আমেৰিকাই ব্রিটেইনৰ সৈতে এখন 'ব্যাপক' বাণিজ্য চুক্তিত উপনীত হৈছে। দুয়োখন দেশৰ মাজত থকা দীর্ঘদিনীয়া সম্বন্ধক দৃঢ় কৰি এই বাণিজ্য চুক্তিখন কৰা হৈছে বুলি ৰাষ্ট্ৰপতি ট্রাম্পে মন্তব্য কৰে।
বুধবাৰে সন্ধিয়া ৰাষ্ট্ৰপতি ট্রাম্পে সামাজিক মাধ্যমত এই সম্ভাব্য বাণিজ্য চুক্তিৰ বিষয়ে ইংগিত দিছিল যদিও স্পষ্টকৈ কোন দেশৰ সৈতে বাণিজ্য চুক্তি কৰিব প্রকাশ কৰা নাছিল। কিন্তু বৃহস্পতিবাৰে পুৱা ব্রিটিছ চৰকাৰী বিষয়াসকলে প্রকাশ কৰে যে ব্রিটেইনে আমেৰিকাৰ সৈতে এখন বাণিজ্য চুক্তি চূড়ান্ত কৰিছে। উল্লেখযোগ্য যে ৰাষ্ট্ৰপতি ট্রাম্পে শুল্ক যুদ্ধ আৰম্ভ কৰাৰ পাছত ব্রিটেইনেই হৈছে প্রথমখন দেশ, যাৰ লগত আমেৰিকাই বাণিজ্য চুক্তি কৰিলে।
ইপিনে, আমেৰিকাৰ লগত বাণিজ্য চুক্তি কৰাৰ পাছত ব্রিটেইনে ইউৰোপীয় মিত্ৰজোঁটৰ পৰা আঁতৰি গৈছে বুলি শংকা প্রকাশ কৰিছে ইউৰোপিয়ান মিত্রজোঁটৰ দেশসমূহে।
Continue Reading
