'ৰাজহুৱা পথ ব্যৱহাৰ কৰিলেহে মটৰ গাড়ীৰ কৰ ল'ব লাগে': উচ্চতম ন্যায়ালয়

ডিজিটেল ডেস্কঃ বাহনসমূহৰ পৰা আদায় কৰা কৰ ৰাজহুৱা স্থান আৰু আন্তঃগাঁথনিৰ বাবে ব্যৱহাৰ কৰিব লাগে। যদিহে এইবিলাক কামত এই কৰৰ ধন ব্যৱহাৰ নকৰে, তেনেহ'লে বাহনসমূহৰ বাবে কৰ ধাৰ্য কৰিব নালাগে। উচ্চতম ন্যায়ালয়ে এই গুৰুত্বপূৰ্ণ মন্তব্য কৰে।

উচ্চতম ন্যায়ালয়ে কয় যে মটৰ গাড়ীৰ ওপৰত ধাৰ্য কৰা কৰ হৈছে ক্ষতিপূৰণ স্বৰূপ। এই কৰৰ ব্যৱহাৰৰ সৈতে ইয়াৰ প্ৰত্যক্ষ সম্বন্ধ আছে। মটৰ গাড়ীৰ পৰা ৰাজহুৱা আন্তঃগাঁথনি যেনে পথ, ঘাইপথ আদি ব্যৱহাৰ কৰাৰ বাবে এই কৰ আদায় লোৱা হয়।

যদি এখন মটৰ গাড়ী এটা 'ৰাজহুৱা স্থান'ত ব্যৱহাৰ কৰা নহয় অথবা এখন 'ৰাজহুৱা ঠাই'ত ৰখা নহয় তেনেহ'লে ৰাজহুৱা আন্তঃগাঁথনিৰ পৰা উপকৃত হ'বলৈ নিবিচাৰে এজন ব্যক্তিয়ে। সেইবাবে সেই সময়ৰ বাবে তেওঁক মটৰ গাড়ীৰ বাবে কৰ বোজা ল'বলৈ দিয়াটো উচিত নহয়। উচ্চতম ন্যায়ালয়ৰ ন্যায়াধীশ মনোজ মিশ্ৰ আৰু উজ্জ্বল ভূঞাৰে গঠিত বিচাৰপীঠ এখনে এইদৰে কয়।

অন্ধ্র প্রদেশত এটা ৰাজহুৱা স্থানত ৰখা বা ব্যৱহাৰ কৰাৰ বাবে প্রতিখন মটৰ গাড়ীৰ পৰা সময়ে সময়ে ৰাজ্য চৰকাৰখনে এটা কৰ আদায়ৰ ক্ষেত্ৰত থকা 'অন্ধ্র প্রদেশ মটৰ ভেহিকল টেক্সেশ্যন এক্ট'ৰ ব্যাখ্যা কৰাৰ সময়ত উচ্চতম ন্যায়ালয়ৰ বিচাৰপীঠখনে এইদৰে আদেশ দিয়ে।

ৰাজ্যখনে এটা স্থিতি লৈছিল যে ৰাজহুৱা পথ প্ৰকৃততে ব্যৱহাৰ কৰা-নকৰাটো কৰ দেয়ৰ পৰা হাত সৰাৰ এটা যুক্তি হ'ব নোৱাৰে। উচ্চতম ন্যায়ালয়ৰ বিচাৰপীঠখনে কয় যে ধাৰা ৩ৰ অধীনত কৰ আদায় কৰাৰ পৰিস্থিতি তেতিয়াহে উদ্ভৱ হ'ব, যেতিয়া ৰাজ্যখনৰ এটা ৰাজহুৱা পথত এখন বাহন ব্যৱহাৰ বা ৰখা হ'ব।

উৎসঃ দৈনিক জনমভূমি