ডিজিটেল ডেস্কঃ আমেৰিকাৰ ৰাষ্ট্ৰপতি ড'নাল্ড ট্রাম্পে বুধবাৰে চীনক বাদ দি আন দেশৰ সামগ্ৰীত শুল্ক আৰোপ ৯০ দিনৰ বাবে স্থগিত ৰখাৰ সিদ্ধান্ত লয়। আনহাতে, চীনৰ পৰা অহা সামগ্রীত ট্রাম্প প্রশাসনে শুক্ল ১২৫ শতাংশলৈ বৃদ্ধি কৰে।
চীনে আমেৰিকাৰ সকলো সামগ্ৰীৰ ওপৰত নুতনকৈ শুল্ক ৮৪ শতাংশলৈ বৃদ্ধি কৰাৰ পাছতেই প্রতিশোধ কল্পে আমেৰিকাই এই সিদ্ধান্ত লয়। সমগ্ৰ বিশ্বৰ বজাৰত অস্থিৰতাৰ সৃষ্টি কৰিছে বিশ্বৰ দুয়োখন বৃহৎ অর্থনীতি থকা দেশে।
আনহাতে, চীনক ভাবুকি দি ৰাষ্ট্ৰপতি ট্রাম্পে কয় যে বেইজিঙে যদি পুনৰ আমেৰিকাৰ ও পৰত প্রতিশোধ ল'বলৈ চেষ্টা কৰে, তেনেহ'লে চীনক আৰু অধিক 'পুৰস্কৃত' কৰা হ'ব। ইফালে, ট্রাম্পে বুধবাৰে (স্থানীয় সময়) চীনৰ ৰাষ্ট্ৰপতি, ঝি জিনপিঙক 'অতি স্মার্ট ব্যক্তি' বুলি মন্তব্য কৰে। ৰাষ্ট্ৰপতি ট্রাম্পে কয় যে শুল্ক আৰোপৰ বিষয়ত এতিয়াও দুয়ো দেশৰ মাজত আলোচনাৰ বাট মুকলি আছে। চীনৰ ৰাষ্ট্ৰপতিৰ সৈতে ২০ বছৰ ধৰি সংযোগ বিচ্ছিন্ন হৈ থকা ৰাষ্ট্ৰপতি ট্রাম্পে এতিয়া জিনপিঙৰ সৈতে আলোচনা কৰিবলৈ বিচৰাটো লক্ষণীয় হৈ পৰিছে।
জিনপিঙক বিশ্বৰ অন্যতম স্মার্ট বুলি অভিহিত কৰি ট্রাম্পে কয় যে এই সময়ত কি কৰাটো আৱশ্যক চীনৰ ৰাষ্ট্ৰপতিজনে ভালদৰেই জানে।
Continue Reading
