চীনে প্ৰকৃত নিয়ন্ত্ৰণ ৰেখাৰ কাষতে নিৰ্মাণ কৰিছে হেলিপেড, বিমানবন্দৰ! পেন্টাগনৰ বিস্ফোৰক প্ৰতিবেদন

পেন্টাগনৰ এক প্ৰতিবেদন অনুসৰি ২০২২ চনত গালোৱানত ভাৰত আৰু চীনা সৈন্যৰ মাজত সংঘটিত  সংঘৰ্ষৰ পিছৰে পৰা চীনৰ পিপলছ লিবাৰেচন আৰ্মী (পিএলএ)-এ প্ৰকৃত নিয়ন্ত্ৰণ ৰেখাত আন্তঃগাঁথনি নিৰ্মাণত সক্ৰিয় হৈ পৰিছিল। সংঘৰ্ষৰ পিছত দুয়োখন দেশে বহুবাৰ আলোচনাৰ মেজত বহিছে । কিন্তু আলোচনাই কোনো ফল ধৰা নাই।  চীনে ভাৰতীয় সীমান্তত আধুনিক আন্তঃগাঁথনি নিৰ্মাণৰ প্ৰক্ৰিয়াত অধিক সক্ৰিয়তাৰে জড়িত হৈ পৰা বুলি প্ৰতিবেদনত কোৱা হৈছে। পেন্টাগনে কয় যে চীন-ভাৰতৰ কেইবাবাৰো শান্তি আলোচনা হৈছে, কিন্তু সেই বৈঠকবোৰে সীমান্তত চীনা সামৰিক উপস্থিতিৰ ওপৰত কোনো প্ৰভাৱ পেলোৱা নাই।