চন্দ্ৰপুৰৰ পাণবাৰীত ভয়ংকৰ জল বিস্ফোৰণ

ডিজিটেল ডেস্ক: চন্দ্ৰপুৰৰ পাণবাৰীত ভয়ংকৰ জল বিস্ফোৰণ। পাণবাৰীৰ মিছামাৰিত সংঘটিত হৈছে এই জল বিস্ফোৰণ ।

এই জল বিস্ফোৰণৰ বাবে চন্দ্ৰপুৰ-ডিগাৰু পথৰ এটা অংশ খহি যায়। চন্দ্ৰপুৰৰ ডিগাৰুমুখস্থিত নাৰেংগী সেনা শিবিৰলৈ যোগান ধৰা পানীৰ প্ৰকল্পৰ পাইপ ফুটি এই জল বিস্ফোৰণ সংঘটিত হয়।

জানিব পৰা মতে চন্দ্ৰপুৰৰ ডিগাৰুমুখত নাৰেংগী সেনা শিবিৰলৈ বিশুদ্ধ খোৱা পানী যোগান ধৰাৰ বাবে এটা পানী যোগান প্ৰকল্প নিৰ্মাণ কৰা হৈছে।

কিন্তু এই পানী যোগান প্ৰকল্পৰ পাইপবোৰ অতি নিম্নমানৰ স্থাপন কৰাৰ ফলত বিভিন্ন স্থানত পাইপবোৰ ফাটি এনেদৰে জল বিস্ফোৰণ সংঘটিত হৈ আহিছে। ।