--°C
Loading...
Listen to Article
2 min read
80%
ডিজিটেল ডেস্কঃ ছলমান খানৰ নিৰাপত্তাৰ ক্ষেত্ৰত হোৱা সুৰুঙাৰ সন্দৰ্ভত এটা ডাঙৰ খবৰ ওলাইছে। যোৱা বুধবাৰে ছলমান খানৰ ঘৰত আন এক ঘটনা সংঘটিত হয়, য’ত এগৰাকী মহিলাই তেওঁৰ অট্টালিকাত প্ৰৱেশ কৰিবলৈ চেষ্টা কৰে। অচিনাকি মহিলাগৰাকীয়ে ছলমান খানৰ ফ্লেটৰ ওচৰ পালেগৈ। মহিলাগৰাকীক গ্ৰেপ্তাৰ কৰি অবৈধ প্ৰবেশৰ গোচৰ ৰুজু কৰা হৈছে। মহিলাগৰাকী ৩৬ বছৰীয়া ঈশা ছাব্ৰা।

মুম্বাইৰ এটা আড়ম্বৰপূৰ্ণ অঞ্চল বান্দ্ৰাৰ গেলাক্সি এপাৰ্টমেণ্টত থাকে ছলমান খান। ছলমান খানৰ নিৰাপত্তা ভংগৰ এয়া দ্বিতীয়টো ঘটনা। তেওঁৰ নিৰাপত্তাৰ বাবে আৰক্ষী জোৱান নিয়োগ কৰা হৈছে, এনে পৰিস্থিতিত এগৰাকী অচিনাকি মহিলাই ছলমানৰ ঘৰত উপস্থিত হোৱাটো চিন্তাৰ বিষয়। বৰ্তমান আৰক্ষীয়ে জানিবলৈ চেষ্টা কৰি আছে যে তেওঁৰ এই কাম কৰাৰ আঁৰত কি উদ্দেশ্য আছিল।

ইয়াৰ পূৰ্বে ছলমান খানে লৰেন্স বিষ্ণয় গেঙৰ পৰা বহু ভাবুকি লাভ কৰিছিল। আনকি তেওঁৰ ঘৰত গুলীচালনাৰ ঘটনাও সংঘটিত হৈছিল। ইয়াৰ পৰিপ্ৰেক্ষিতত মহাৰাষ্ট্ৰৰ গৃহ ৰাজ্য মন্ত্ৰী যোগেশ কদমে ছলমান খানৰ ঘৰত সংঘটিত অনুপ্ৰৱেশৰ ঘটনাক লৈ উদ্বেগ প্ৰকাশ কৰিছে। 

ইয়াৰ পূৰ্বেও গেলাক্সি এপাৰ্টমেণ্টত এজন ব্যক্তিয়ে অবৈধভাৱে প্ৰৱেশ কৰিছিল। ইয়াকে লৈ ছলমানৰ অনুৰাগীসকলো চিন্তিত হ’বলৈ ধৰিলে। সূত্ৰ অনুসৰি এই ঘটনা ২০ মে’ৰ সন্ধিয়া ৭:১৫ বজাত সংঘটিত হয়। এই গোচৰত আৰক্ষীয়ে জিতেন্দ্ৰ কুমাৰ সিঙৰ বিৰুদ্ধে গোচৰ ৰুজু কৰি তদন্ত আৰম্ভ কৰিছে। জিতেন্দ্ৰ কুমাৰ ছত্তীশগড়ৰ বাসিন্দা।

আৰক্ষীৰ সূত্ৰই জনোৱা মতে, ভাৰতীয় দণ্ডবিধিৰ ৩২৯(১) ধাৰাত গোচৰ ৰুজু কৰা হৈছে। ছলমানৰ নিৰাপত্তাৰ বাবে নিয়োজিত এজন আৰক্ষী বিষয়াই বান্দ্ৰা আৰক্ষীক দিয়া বিবৃতিত জনোৱা মতে, ২০ মে’ৰ পুৱা প্ৰায় ০৯:৪৫ বজাত গেলাক্সি এপাৰ্টমেণ্টৰ আশে-পাশে এজন অচিনাকি ব্যক্তিক ঘূৰি ফুৰা দেখা গৈছিল। তেনেতে অফিচাৰে বুজাই দি তাৰ পৰা যাবলৈ ক’লে। এই কথাত ব্যক্তিজনে খঙত মোবাইলটো মাটিত পেলাই ভাঙি পেলালে।

ইয়াৰ পিছত সন্ধিয়া প্ৰায় ৭:১৫ বজাত পুনৰ একেজন ব্যক্তি গেলাক্সি এপাৰ্টমেণ্টৰ মূল গেটলৈ আহি এজন আৱাসীৰ গাড়ীৰে ভিতৰলৈ সোমাই যায়। সেই সময়ত স্থানত উপস্থিত থকা আৰক্ষী কনিষ্টবল সকলে লগে লগে তেওঁক জিম্মাত লৈ বান্দ্ৰা আৰক্ষীৰ হাতত গতাই দিয়ে। সেই ব্যক্তিজনে যেতিয়া ছলমান খানৰ ঘৰত প্ৰৱেশ কৰি ধৰা পৰিল, তেতিয়া তেওঁ কয়, ‘মই ছলমান খানক লগ কৰিব বিচাৰো, কিন্তু আৰক্ষীয়ে মোক লগ কৰিবলৈ দিয়া নাছিল, গতিকে মই লুকাই আহিবলৈ চেষ্টা কৰি আছিলো।’

FOLLOW US F
POPULAR
FEATURE
TRENDY
ছৈয়দা হামিদৰ বিৰুদ্ধে ১৫খন জিলাত অজাপৰ এজাহাৰ
প্ৰধানমন্ত্ৰী নৰেন্দ্ৰ মোদীৰ জনপ্ৰিয়তা হ্রাস, 'ইণ্ডিয়া টুডে'-'চি' ভোটাৰৰ মুড অব দ্য নেশ্যন'
ৰফিক আলীয়ে পলুৱাই নিছিল সন্তানসহ পৱন বৰ্মনৰ পত্নীক! নাগ্ৰীজুলি আৰক্ষীয়ে তামিলনাডুৰ পৰা কৰিলে উদ্ধাৰ
৩-৪ ছেপ্টেম্বৰত অনুষ্ঠিত হ'ব জিএছটি পৰিষদৰ ৫৬ সংখ্যক বৈঠক ; চৰকাৰৰ প্ৰস্তাৱক লৈ প্ৰশ্ন উত্থাপন কৰিব এই ৮খন ৰাজ্যই
শ্ৰীভূমিত শ্ৰেণীকোঠাত একাদশ শ্ৰেণীৰ ছাত্ৰৰ পকেটৰ পৰা উদ্ধাৰ আগ্নেয়াস্ত্র
ফ্রান্সত জিলিকিছে ডাঃ সুনয়না নেচাৰ বৰুৱা
পৰকীয়া প্ৰেম! বিবাহিতা মহিলাৰ মুখত বিস্ফোৰক পাউডাৰ ঢালি দি হত্যা কৰিলে প্ৰেমিকে
হানীট্ৰেপিঙৰ চিকাৰ প্ৰতিষ্ঠিত সুৰা ব্যৱসায়ী! ৫ পৃষ্ঠাৰ ছুইচাইড নোট লিখি চৰম পন্থা গ্ৰহণ
৩১ আগষ্টত জিনপিঙৰে দ্বিপাক্ষিক বৈঠক প্রধানমন্ত্রী মোদীৰ
নির্বাচনী ডংকা বজাবলৈ আহিল অমিত শ্বাহ
আই এম এফৰ কাৰ্যবাহী সঞ্চালক হিচাপে নিযুক্তি আৰ বি আইৰ প্ৰাক্তন গৱৰ্ণৰ উৰ্জিত পেটেলক
ভাৰতীয় দম্পতীক তিনিটাকৈ সন্তান জন্ম দিয়াৰ আহ্বান
যৌতুকৰ বাবে মহিলাৰ মৃত্যু! ওলমি থকা অৱস্থাত উদ্ধাৰ সন্তানসম্ভৱা ইঞ্জিনীয়াৰৰ শৱদেহ
অসম চৰকাৰৰ উদ্যোগত অসমৰ প্ৰাক্তন মুখ্যমন্ত্ৰী গোলাপ বৰবৰাৰ জন্ম শতবাৰ্ষিকী অনুষ্ঠান