ডিজিটেল ডেস্কঃ ফিটনেছৰ প্ৰতি সচেতন বুলি পৰিচিত পশ্চিম বংগৰ মুখ্যমন্ত্ৰী মমতা বেনাৰ্জীয়ে সোমবাৰে ঝালডা পৌৰসভাৰ এগৰাকী অতিৰিক্ত ওজনৰ অধ্যক্ষক তেওঁৰ উখহি উঠা পেট কিদৰে কমাব সেই বিষয়ে পৰামৰ্শ দিয়া দেখা যায়। পশ্চিমবংগৰ মুখ্যমন্ত্ৰী গৰাকীয়ে টিএমচিৰ নেতাগৰাকীক অতিমাত্ৰ ওজনৰ বাবে হাৰ্ট ব্লককে ধৰি সম্ভাৱ্য স্বাস্থ্যজনিত বিপদৰ বিষয়ে সতৰ্ক কৰি দিয়ে আৰু সঠিক উপায়েৰে প্ৰণায়াম কৰিবলৈও নিৰ্দেশ দিয়ে।
প্ৰশাসনিক পৰ্যালোচনা বৈঠকৰ সময়ত সুৰেশ কুমাৰ আগৰৱালাক কয় যে, ‘আপোনাৰ পেটটো উখহি উঠা কিয়? আৰু ই যিদৰে বাঢ়িছে আপোনাৰ নিশ্চয়কৈ হাৰ্টব্লক হ'ব।’
মমতাৰ কথাৰ প্ৰতি সঁহাৰি জনাই আগৰৱালাই কয়, ‘মোৰ ওজন প্ৰায় ১২৫ কিলোগ্ৰাম। পকোৰা খাই বৰ ভাল পাওঁ। মই ঠিকেই আছো, ডায়বেটিক নাই, ব্লাড প্ৰেচাৰৰ কোনো সমস্যা নাই আৰু কোনো ঔষধ সেৱন কৰাৰো প্ৰয়োজনীয়তা আহি পৰা নাই। প্ৰতিদিনে প্ৰায় ডেৰ ঘণ্টা শাৰীৰিক ব্যায়াম কৰো।’
আনকি ঝলদা পৌৰসভাৰ অধ্যক্ষগৰাকীয়ে মুখ্যমন্ত্ৰীগৰাকীৰ সন্মুখত তেওঁ কেনেকৈ প্ৰণায়াম কৰে সেই কথা প্ৰদৰ্শন কৰি দিনটোত কমেও ১০০০ বাৰ কপালভাটী কৰা বুলিও সদৰী কৰে।আমোদজনক ভাব পৰিধান কৰা বেনাৰ্জীয়ে তাৰ পিছত টিএমচি নেতাগৰাকীক পকোৰা খোৱা বন্ধ কৰিবলৈ পৰামৰ্শ দিয়ে।
সংবাদ মাধ্যমৰ সৈতে মুখামুখি হোৱাত ৬২ বছৰীয়া আগৰৱালাই কয় যে, তেওঁ তেওঁৰ পৰামৰ্শ মানি চলিবলৈ নিশ্চিতভাৱে চেষ্টা কৰিব। ইফালে আজিৰ এই গুৰুত্বপূৰ্ণ সভাখনত পুৰুলীয়াত এখন চলচ্চিত্ৰ নগৰ নিৰ্মাণৰ পৰিকল্পনা সন্দৰ্ভত মুখ্যমন্ত্ৰীয়ে বৈঠকত প্ৰকাশ কৰে।
Continue Reading
