ডিজিটেল ডেস্ক : দেশৰ বিভিন্ন ৰাজ্যত সৃষ্টি হৈছে বিদ্যুৎ সংকটৰ৷ যাৰ বাবে সমগ্ৰ দেশত কমেও ৪০০ ৰেকৰ চলাচলৰ সুবিধাৰ বাবে প্ৰায় ২৪০খন যাত্ৰীবাহী ৰে'ল বাতিল কৰা হৈছে। ৰে'লৱে সূত্ৰই সদৰি কৰা মতে যোৱা বছৰ, ৰে'লৱেই ৩৪৭ টা কয়লা ৰেক চলাইছিল। এই বছৰৰ ৪০০ কয়লা ৰেকৰ সংখ্যা এতিয়ালৈকে সৰ্বাধিক৷
ইয়াৰ পূৰ্বে ৰাজস্থানৰ মুখ্যমন্ত্ৰী অশোক গেহলটে কয় যে, গ্ৰীষ্ম প্ৰবাহৰ বাবে ১৬ খন ৰাজ্যত বিদ্যুতৰ চাহিদা বৃদ্ধি পাইছে আৰু প্ৰয়োজনীয়তা অনুসৰি কয়লা যোগান ধৰা হোৱা নাই, যাৰ ফলত বিদ্যুৎ যোগান প্ৰভাৱিত হৈছে। তেওঁ কৈছিল যে এই পৰিস্থিতিটো এটা ৰাষ্ট্ৰীয় সংকট।
দিল্লীৰ শক্তিমন্ত্ৰী সত্যেন্দ্ৰ জৈনে কয় যে তৎক্ষণাৎ বিদ্যুৎ প্ৰকল্পসমূহলৈ কয়লা যোগান নধৰিলে চিকিৎসালয়ৰ দৰে অত্যাৱশ্যকীয় স্থানবোৰত বিদ্যুৎ সংযোগ ব্যাহত হ'ব পাৰে। দিল্লীৰ মুখ্যমন্ত্ৰী অৰবিন্দ কেজৰিৱালে টুইট কৰি কয় যে, ‘দেশত শক্তিৰ বৃহৎ অভাৱৰ সৃষ্টি হৈছে। এতিয়ালৈকে আমি দিল্লীত যেনে তেনে শক্তিৰ যোগান অব্যাহক ৰাখিছোঁ যদিও মগ্ৰ ভাৰততে পৰিস্থিতি অতি গুৰুতৰ। আমি সোনকালেই ইয়াৰ সমাধান বিচাৰি একত্ৰিভাৱে এটা ব্যৱস্থা গ্ৰহণ কৰিব লাগিব। এই সমস্যাৰ মোকাবিলা কৰিবলৈ দ্ৰুত, দৃঢ় পদক্ষেপৰ প্ৰয়োজন।’
Continue Reading
