ডিজিটেল ডেস্কঃ বিশ্বৰ আটাইতকৈ দামী বাৰ্গাৰ তৈয়াৰ কৰিছে এগৰাকী ইউৰোপীয়ান ৰান্ধনিয়ে। বাৰ্গাৰৰ মূল্য ৫,০০০ ইউৰো। ভাৰতীয় মুদ্ৰাত ইয়াৰ মূল্য ৪লাখতলৈ অধিক। কিন্তু ইমান দামী বাৰ্গাৰ এটাত এনে কি বিশেষত্ব থাকিব পাৰে? কিম্বা ইমান দাম দি এই বাৰ্গাৰ খাবলৈ যাব বা কোনে?
মন কৰিবলগীয়া যে, নেদাৰলেণ্ডৰ ৰবাৰ্ট জান ডি ভিনে এই বাৰ্গাৰটো তৈয়াৰ কৰিছে। এখন সুপৰিচিত ৰেষ্টুৰেণ্টৰ চেফ ৰবাৰ্টে কয় যে, তেওঁৰ প্ৰধান লক্ষ্য আছিল সকলোৱে প্ৰতিদিনে খোৱা সাধাৰণ বাৰ্গাৰকে অলপ বেলেগ ৰূপ দিয়া। আৰু তেনে কৰিবলৈ গৈ বাৰ্গাৰত কিছুমান বেলেগ বেলেগ উপাদান ব্যৱহাৰ কৰিছে তেওঁ। ইয়াৰ ভিতৰত আছে বেলুগা ক্যেভিয়া, কেঁকোৰা, স্পেনিছ পেলেটা আইবেৰিকো (বিশেষকৈ প্ৰস্তুত কৰা মাংস), বগা ট্ৰাফেল, ইংলেণ্ডৰ বিশেষ পনীৰ, আটাইতকৈ দামী কফি বিনৰ পৰা তৈয়াৰী বাৰ্বিকিউ চচ আৰু অতি দামী চেম্পিয়ন।
কিন্তু এই বাৰ্গাৰৰ মূল্য ৪লাখ টকাতকৈ বেছি। ইমান দামী বাৰ্গাৰ পিছে কিনিব কোনে? নাই, চেফজনে ইয়াৰ বাবে চিন্তা কৰিবলগীয়া নহ’ল। সেই দেশৰে ৰেমিয়া ইণ্টাৰনেশ্যনেল নামৰ এটা কোম্পানীয়ে এই দামী বাৰ্গাৰটো ক্ৰয় কৰা বুলি জানিবলৈ পোৱা গৈছে। ‘ৰয়েল ডাচ ফুডছ’ৰ সভাপতি ৰব উইলেমছে গ্ৰহণ কৰিছে বাৰ্গাৰটো। বাৰ্গাৰ বিক্ৰীৰ পৰা পোৱা ধনৰাশি এটা স্বেচ্ছাসেৱী সংস্থালৈ আগবঢ়াইছে চেফ ৰবাৰ্টে।
এই বাৰ্গাৰটো কিয় বনালে ৰবাৰ্টে? চেফ ৰবাৰ্ট জান ডি ভিনে নিজৰ ইনষ্টাগ্ৰামত বাৰ্গাৰৰ ছবিৰে কেপচনত লিখিছে, ‘মহামাৰীৰ বাবে সকলো ৰন্ধন প্ৰতিযোগিতা বন্ধ। এই সময়ত মনো যথেষ্ট বেয়া আছিল। নতুন কিবা এটা কৰিবলৈ মন গ’ল৷ তাৰেই ফল এই বাৰ্গাৰ।’
Continue Reading
