এই চহৰৰ মানুহে খাই আছে কেমিকেল আৰু মেটেলৰ পাচলি! ক’ত?

শেহতীয়াকৈ এক চাঞ্চল্যকৰ তথ্য পোহৰলৈ আহিছে। কৰ্ণাটকৰ বেংগালুৰু চহৰত মানুহে সেৱন কৰিছে কেমিকেল আৰু মেটেলৰ পাচলি! শুনি আচৰিত যেন লাগিলেও এয়া সত্য। বেংগালুৰুবাসীয়ে খোৱা শাক-পাচলিত পোৱা গৈছে বিপজ্জনক ধাতু আৰু ৰাসায়নিক পদাৰ্থ। ইয়াৰ উপৰিও এই শাক-পাচলিসমূহৰ খেতি কৰা হৈছে বিষাক্ত আৰু লেতেৰা পানীত।

এটা চৰকাৰী সংস্থাই বেংগালুৰুৰ বহু সৰু-ডাঙৰ শাক-পাচলিৰ দোকানৰ পৰা নমুনা সংগ্ৰহ কৰি তদন্তৰ অন্তত বেংগালুৰুৰ বজাৰত পোৱা বেছিভাগ শাক-পাচলিয়েই পেলনীয়া পানী অৰ্থাৎ ঘৰ আৰু কাৰখানাৰ পৰা ওলোৱা লেতেৰা আৰু প্ৰদূষিত পানীৰ পৰা উৎপাদিত হয় বুলি প্ৰকাশ কৰিছে। এইবোৰ স্বাস্থ্যৰ বাবে অতি ক্ষতিকাৰক। লেতেৰা পানীত খেতি কৰা শাক-পাচলিত আৰ্ছেনিক, নিকেল, কেডমিয়াম, ক্ৰ’মিয়াম, পাৰা, জিংক আৰু মেগনেছিয়ামৰ দৰে গধুৰ ধাতুৰ পৰিমাণ বেছি থাকে যিয়ে বৃক্ক, যকৃত, অন্ত্ৰ আৰু কেন্সাৰ আদি ৰোগৰ সৃষ্টি কৰিব পাৰে। ইয়াৰ পাচলিসমূহত ভৰি পৰিছে কেমিকেল। 

এই তথ্য প্ৰকাশ পোৱাৰ পাছতে চিন্তিত হৈ পৰিছে বেংগালুৰুৰ জনসাধাৰণ।