ডিজিটেল ডেস্কঃ হাতৰ আখৰৰ সৈতে মানুহ এগৰাকীৰ ব্যক্তিত্বৰ এৰাব নোৱাৰা সম্পৰ্ক আছে৷ মগজুৰ নিৰ্দেশত আমাৰ হাত খনে আখৰ লিখি যায়৷ সেয়ে হাতৰ আখৰত মনৰ অৱস্থাটো সঠিক ভাবে ধৰা পৰে৷ সুখৰ মুহূৰ্তত লিখা আখৰ আৰু দুখ, ভয় আদিৰ পৰিবেশৰ মাজত লিখা আখৰৰ বহ খিনি পৰিৱৰ্তন হোৱা দেখা যায়৷
গ্ৰাফোল’জিয়ে হাতৰ আখৰৰ তেনেবোৰ কথাই বিশ্লেষণ কৰে৷বিশ্বৰ বহু দেশে সেয়ে ব্যক্তিৰ চৰিত্ৰ জানিবলৈ হাতৰ আখৰ বিশ্লেষণৰ সহায় লয়৷ আনকি অপৰাধী চিনাক্তকৰণৰ ক্ষেত্ৰতো হাতৰ আখৰে বহু পৰিমাণে সহায় কৰি আহিছে৷
মগজুৰ চিন্তা তৰংগ যিহেতু হাতৰ আখৰত পৰিস্ফুট হয় সেয়ে আখৰৰ গোট চায়েই ক’ব পাৰি লোক এজন কেনে হ’ব পাৰে৷ এই লেখাৰ সৈতে ইংৰাজী এ, জি , ডি আদি কেইটামান আখৰৰ নমুনা দেখুওৱা হৈছে৷
দৰাচলতে ইয়াত উল্লেখ কৰা আখৰ কেইটাক গ্ৰাফোল’জিত অভেল (ডিম্বাকৃতিৰ)আকৃতিৰ আখৰ বুলি কোৱা হয়৷এনে অভেল আকৃতিৰ আখৰ লিখা লোকসকল উদাৰ আৰু সমাজ সচেতন হয়৷
তেওঁলোকৰ বন্ধুৰ সংখ্যা বহু বেছি হয়৷বহু সময়ত নিজৰ ক্ষতি কৰি হ’লেও এনে আখৰ লিখা লোকে আনৰ উপকাৰ সাধিবলৈ যায়৷ এনে আখৰ লিখা লোকসকল উদাৰ আৰু পৰোপকাৰী হোৱাৰ বাবে বহু সময়ত আনৰ দ্বাৰা প্ৰতাৰিও হ’বলগীয়া হয়৷ তথাপি এনে বাধা সমূহে এনে ধৰণৰ অভেল আকৃতিৰ আখৰ লিখা লোকসকলক হতাশ কৰিব নোৱাৰে৷
কবিতা, গল্পকে ধৰি আন সৃষ্টিমূলক কামত এনে আখৰ লিখা লোকসকল বেছিকৈ জৰিত হৈ পৰা দেখা যায়৷ অৱশ্যে এনে আখৰ লিখা লোকে বহু সময়ত কেতবোৰ গুৰুত্বপূৰ্ণ সিদ্ধান্তও হুৰমূৰকৈ লোৱাৰ ফলত ক্ষতিৰ সন্মুখীন হ’ব পাৰে৷ সৰল মনৰ হয় বাবেই এনে আখৰ লিখা লোকসকল সকলোৰে প্ৰিয় হৈ উঠে৷
Continue Reading
