ডিজিটেল ডেস্কঃ গভীৰ সমুদ্ৰৰ(Sea) তলত উদ্ধাৰ হৈছে ইটাৰে নিৰ্মাণ কৰা ৰাস্তা। গভীৰ সাগৰত গৱেষকসকলে অদ্ভূত ধৰণৰ শিলৰ গাঁথনি দেখিছে যিবোৰ দেখাত ইটাৰ ৰাস্তাৰ দৰে। ইয়াক প্ৰশান্ত মহাসাগৰৰ পাপাহানামোকুকায়া সামুদ্ৰিক ৰাষ্ট্ৰীয় স্মাৰক (পিএমএনএম)ৰ লিলিওকালানি ৰিজত পোৱা গৈছে। এয়া দেখি স্তম্ভিত হৈ পৰিছে বিজ্ঞানী-গৱেষক। পিএমএনএম আমেৰিকা যুক্তৰাষ্ট্ৰত আছে যি হৈছে বিশ্বৰ অন্যতম বৃহৎ সামুদ্ৰিক সংৰক্ষণ ক্ষেত্ৰ। এয়া ইমান ডাঙৰ যে গৱেষকসকলে ইয়াৰ তলৰ মাত্ৰ তিনি শতাংশহে বিচাৰি উলিয়াবলৈ সক্ষম হৈছে।
এই ৰাস্তা আটলান্টিছলৈ যায় নেকি?
গৱেষকসকলে এই ৰাস্তা সাগৰত উদ্ধাৰ কৰাৰ সময়ত তেওঁলোকৰ এজনে কৈছিল যে এইটো আটলান্টিছৰ পথ। এজন গৱেষকে ইয়াক হালধীয়া ইটাৰ এটা ৰাস্তা বুলি কৈছিল। কিন্তু এইটো প্ৰকৃততে এটা ৰাস্তা নহয়। গৱেষকসকলে কৈছে যে এইবোৰ গভীৰ সাগৰত প্ৰাচীন সক্ৰিয় আগ্নেয়গিৰি ভূবিজ্ঞানৰ এক উদাহৰণ। গৱেষকসকলে কৈছিল যে এই শিলবোৰ সাগৰৰ মজিয়াত সৃষ্টি হোৱা উচ্চ শক্তিৰ বিস্ফোৰণৰ ফলত সৃষ্টি হৈছিল। যেতিয়া গলিত শিলবোৰ হঠাতে ঠাণ্ডা হৈছিল তেতিয়া এনে এক ইণ্টিগুমেণ্ট আকৃতিৰ সৃষ্টি হৈছিল।
সঁচাকৈয়ে আছে নেকি আটলান্টিছ চহৰ?
আটলান্টিছ এখন কাল্পনিক চহৰ। খ্ৰীষ্টপূৰ্ব ৪০০ চনত গ্ৰীক দাৰ্শনিক প্লেটোৱে ইয়াৰ বিষয়ে প্ৰথম লিখিছিল। প্লেটোৱে ইয়াক এক উন্নত দ্বীপ সভ্যতা হিচাপে বৰ্ণনা কৰে যাৰ এক বিশাল সামুদ্ৰিক সাম্ৰাজ্য আছে। প্লেটোৰ মতে, আটলান্টিছ চহৰ তেওঁৰ সময়ৰ ৯,০০০ বছৰ আগতে আছিল। প্লেটোৱে কৈছিল যে আটলান্টিছ এই সাম্ৰাজ্যৰ মাজভাগত আছিল। তাত এটা বিশাল বন্দৰদেৱাল আৰু এটা বিশাল প্ৰৱেশ স্তম্ভ আছিল। ইয়াত সাগৰীয় দেৱতা পচাইডনৰ মন্দিৰো আছিল। প্লেটোৱে এইটোও বিশ্বাস কৰিছিল যে আটলান্টিছ চুনামি বা আগ্নেয়গিৰিৰ দৰে প্ৰাকৃতিক দুৰ্যোগত শেষ হৈছিল। বিজ্ঞানীসকলে আজিলৈকে আটলান্টিছৰ কোনো প্ৰমাণ পোৱা নাই।
Continue Reading
