ডিজিটেল ডেস্কঃ হাজো আৰক্ষী আৰু দদৰা আৰক্ষীৰ বৃহৎ সফলতা। কামৰূপৰ দদৰা -শিঙিমাৰী পথত আৰক্ষীয়ে খেদি খেদি ধৰিলে মহানগৰীৰ পৰা লাখ লাখ টকাৰ বেটাৰী কঢ়িওৱা হাইজেক হোৱা ট্ৰাক।
হাজো আৰক্ষীয়ে দদৰা আৰক্ষীৰ সহযোগত দদৰাত ধৰিবলৈ সক্ষম হয় AS-01-NC-7829 নম্বৰৰ ট্ৰাকখন।
১২ নবেম্বৰ তাৰিখে মহানগৰীৰ পশ্চিম বৰাগাঁৱৰ NEZONE COMPLEX ৰ শিলচৰলৈ বুলি প্ৰায় সাতাইশ লাখ টকাৰ এক্সাইড বেটাৰী আৰু ইনভাৰ্টাৰ মেচিন লৈ ৰাওনা হৈছিল ট্ৰাকখন। কিন্তু ৰহস্যজনকভাবে, ১৪ নবেম্বৰ তাৰিখে শিলচৰৰ গৈ পাবলগীয়া ট্ৰাকখন হাজো দিশে অহাৰ খবৰ লাভ কৰে আৰক্ষীয়ে।
গোপন সূত্ৰৰ ভিত্তিত লাভ কৰা এই খবৰতেই সফলতা লাভ কৰিবলৈ সক্ষম হয় আৰক্ষীয়ে। হাজো আৰক্ষী থানাৰ পৰিদৰ্শক ৰূপম হাজৰিকাৰ নেতৃত্বত হাজো আৰক্ষী আৰু দদৰা আৰক্ষীৰ এটা বৃহৎ দলে খেদি খেদি ধৰিবলৈ সক্ষম হয় লাখ লাখ টকাৰ এই সামগ্ৰী কঢ়িওৱা ট্ৰাকখন।
চালক,হেন্দিমেন আৰু গৰাকীয়ে নিজেই ট্ৰাকখন হাইজেক কৰাৰ সন্দেহ কৰিছে আৰক্ষীয়ে। ইতিমধ্যে, হাইজেক হোৱা বাহনখন আৰু সামগ্ৰী সমূহ আৰক্ষীয়ে জব্দ কৰাৰ লগতে আটক কৰিছে চালক হেন্দিমেন আৰু ট্ৰাকখনৰ গৰাকীক ।
Continue Reading
