ডিজিটেল ডেস্কঃ হাজো উচ্চতৰ মাধ্যমিক বিদ্যালয়ত হুৱাদুৱা। বিদ্যালয়খনৰ পুৰণি বিজ্ঞান ভৱনৰ দুৱাৰত দুৰ্বৃত্তই লগাই দিলে জুই।
বিদ্যালয়খনৰ ষ্টোৰ ৰূম হিচাপে ব্যৱহৃত কোঠাটোত দুৰ্বৃত্তই সংঘটিত কৰে এই ঘটনা। দুৰ্বৃত্তই জানি বুজি জুই লগাই দিয়াৰ সন্দেহ বিদ্যালয়খনৰ ভাৰপ্ৰাপ্ত অধ্যক্ষৰ।
ছাত্ৰ-ছাত্ৰী আৰু স্কুলৰ কৰ্মচাৰীৰ সহযোগত কোনোমতে নিৰ্বাপন কৰে জুই।
পূৰ্বেও বিদ্যালয়খনৰ অস্থায়ী কোঠাত দুৰ্বৃত্তই সংঘটিত কৰিছিল অনুৰূপ ঘটনা।
অতিশীঘ্ৰে দুৰ্বৃত্তক কৰায়ত্ত কৰি উচিত শাস্তি দিবলৈ আৰক্ষীক আহ্বান বিদ্যালয় কৰ্তৃপক্ষৰ।
Continue Reading
