--°C
Loading...
Listen to Article
2 min read
80%
ডিজিটেল ডেস্কঃ কেইবছৰমান আগৰ কথা। বলীউড পৰিচালক কৰণ জোহৰৰ এটা অনুষ্ঠানত হাৰ্দিক পাণ্ডিয়াই বিতৰ্কিত মন্তব্য কৰি সমালোচিত হৈছিল। তৰুণ প্ৰজন্মৰ পৰা  বৃদ্ধালৈ, প্ৰতিগৰাকী ভাৰতীয়ই এইগৰাকী অলৰাউণ্ডাৰৰ ওপৰত ক্ষোভ প্ৰকাশ কৰিছিল। পিছে হাৰ্দিক পাণ্ডিয়াই নিজৰ প্ৰদৰ্শনেৰে সেই বিতৰ্কবোৰৰ অন্ত পেলাইছিল যদিও সদ্যসমাপ্ত আইপিএলত দেখা পাণ্ডিয়াৰ এটিটিইডে মুগ্ধ কৰিছে সকলোকে। 

ফাইনেলৰ টিকট লাভৰ লগে লগে আনন্দত উচ্ছসিত হৈ পৰিছিল ডেভিদ মিলাৰ। কিন্তু অধিনায়ক পাণ্ডিয়াক অতি শান্ত, সংযমী আৰু পৰিপক্ক ৰূপত দেখিবলৈ পোৱা গৈছিল। প্ৰথমবাৰ অভিষেক ঘটা ফ্ৰেঞ্চাইজীটোৱে চেম্পিয়ন হোৱাৰ পিছতো সলনি নহ’ল হাৰ্দিক পাণ্ডিয়া। আনন্দত এগ্ৰেছিভ হৈ পৰা হার্দিকক দেখিবলৈ পোৱা নগ’ল উচ্ছসিত হোৱা। দেখিবলৈ পোৱা নগ’ল পাণ্ডিয়াৰ তীক্ষ্ণ চিঞৰ। প্ৰতিপক্ষৰ বিৰুদ্ধে আক্ৰমণাত্মক মনোভাৱ ২২ গজৰ ক্ৰীজত বেট-বলতে সীমাবদ্ধ থাকিল পাণ্ডিয়া। গুজৰাট চেম্পিয়ন হোৱাৰ লগে লগে তেওঁ নীৰৱে ডাগ আউটৰ পৰা ওলাই আহি আকাশৰ ফালে মূৰ তুলি চালে।

শুভমন গীল, ডেভিদ মিলাৰ তেতিয়া আনন্দত আত্মহাৰা হৈ পৰিছিল। ঐতিহাসিক মুহূৰ্তটো উদযাপন কৰিবলৈ লৰা লৰি কৰিছিল দলৰ সতীৰ্থসকলে। সকলোকে শান্তভাৱে সম্ভাষণ জনায় হাৰ্দিক পাণ্ডিয়াই। উল্লেখ্য যে, ভাৰতীয় অধিনায়কসকলৰ ভিতৰত মহেন্দ্ৰ সিং ধোনীক চেম্পিয়ন হোৱাৰ পিছতো ইমান সংযত হোৱা দেখা গৈছে। ৰিয়েলিটি শ্বত ‘মে আজ কৰকে আয়া’ত বিতৰ্কৰ সৃষ্টি কৰা ল’ৰাজনৰ এই পৰিৱৰ্তন দেখি সঁচাকৈয়ে আচৰিত হৈ পৰিছে ক্ৰীড়ানুৰাগী। একে সময়তে গৌৰৱান্বিতও।

প্লে’ অফৰ পিছত স্বাভাৱিকতে হাৰ্দিকৰ মনত একেটা প্ৰশ্নই ক্ৰিয়া কৰিছিল। এই পৰিৱৰ্তন কেনেকৈ হ’ল বুলি সোধাত হাৰ্দিকে বিনাদ্বিধাই কয় যে, ‘পত্নী নাতাশা আৰু পুত্ৰই মোৰ জীৱন সলনি কৰিছে।’ মাজনিশালৈকে পাৰ্টি কৰি ভাল পোৱা ল’ৰাজনে এতিয়া কেৱল ক্ৰিকেটত মনোনিৱেশ কৰাতহে আগ্ৰহী। আৰু এই একাগ্ৰতাৰে যেন পুৰস্কাৰ লাভ কৰিলে খেলুৱৈগৰাকীয়ে। দলৰ অধিনায়ক হৈয়ে জিকিলে ট্ৰফী। ইয়াৰোপৰি ২০২২ৰ আইপিএলত ৪৬৩ ৰান সংগ্ৰহেৰে ১০টা উইকেট দখল কৰে। 

মেচখনৰ শেষত হার্দিকে নাতাশাক সাৱটি আনন্দ প্রকাশ কৰা দেখা গৈছে৷ পত্নীৰ সৈতে তোলে ছেলফী। বেটাৰহাফ নাতাছাই যেন যাদুকৰী লাখুটিৰে অস্থিৰ হাৰ্দিকক বৰ্তমান পৰিস্থিতিলৈ ৰূপান্তৰিত কৰিছে।



FOLLOW US F
POPULAR
FEATURE
TRENDY
পোষ্টেল বেলটৰ গণনা সমাপ্ত নকৰাকৈ ই ভি এমৰ গণনা শেষ কৰিব নোৱাৰিব
জুবিন গাৰ্গক 'ভাৰত ৰত্ন' প্ৰদানৰ আহ্বান জনাই প্রধানমন্ত্রীলৈ পত্র
'আদালতে পইন্ট টু পইন্ট প্রমাণ বিচাৰিব', এছ আই টিৰ ওপৰত ভৰসা ৰাখিবলৈ ৰাজ্যবাসীক আহ্বান মুখ্যমন্ত্ৰীৰ
তীর্থভূমিত পৰিণত জুবিন গাৰ্গৰ সমাধিক্ষেত্র, বৈ আছে অনুৰাগীৰ অবিৰত সোঁত
বজালীত জোঁৱাইয়েকৰ দাৰ ঘাপত আহত পত্নী আৰু শাহুৱেক
বাক্সাৰ ভাৰত-ভূটান সীমান্তত বনৰীয়া হাতীৰ ত্ৰাস
বিদ্যালয়ৰ পৰীক্ষা অনুষ্ঠিত কৰিবলৈ লোৱাত প্ৰতিবাদত নামিল শিক্ষাৰ্থী
ছিংগাপুৰৰ সাগৰৰ পাৰত হঠাৎ নিঠৰ হʼল এটা মায়াময় সুৰ
হঠাতেই হেৰাল কেনিনো মোৰ চোতালৰে জোনাক
নীৰৱে-নিতালে শুই অসম পালেহি প্ৰাণৰ শিল্পী জুবিন গাৰ্গ
কাইলৈ প্ৰাণৰ শিল্পী জুবিন গাৰ্গৰ অন্ত্যেষ্টিক্ৰিয়া ; সৰুসজাইৰ পৰা সোণাপুৰলৈ জুবিনৰ অন্তিম যাত্ৰা
শোণিতপুৰৰ বালিপৰাত নিৰ্মাণ কৰা হ'ব অসমীয়াৰ হিয়াৰ আমঠু জুবিন গাৰ্গৰ প্ৰতিমূৰ্তি
শেষকৃত্যৰ ১৩ দিনৰ পাছত যোৰহাটত চিতাভস্ম লৈ হ'ব ৰাজ্য চৰকাৰৰ অনুষ্ঠান
চন্দনৰ তপ্ত চিতা! অজস্ৰজনৰ উচুপনিৰে কায়িক বিদায় জুবিনদাৰ