ডিজিটেল ডেস্কঃ মহানগৰীৰ পানীখাইটিৰ হাতীশিলাত চাঞ্চল্যকৰ ঘটনা । নিশা কোনো দুৰ্বৃত্তই ৰে'লৰ পৰা পেলাই থৈ যায় মাতৃসহ দুই শিশুক।
ৰে'লপথৰ দাঁতিত অচেতন অৱস্থাত উদ্ধাৰ মাতৃসহ দুজন কণমানি শিশু।
স্থানীয় ৰাইজে সন্দেহ কৰা মতে নিশা কোনো লোকে চলন্ত ৰে'লৰ পৰা পেলাই থৈ গৈছে মাতৃসহ শিশু দুটিক ।
ৰাতিপুৱা ভাগত বৰষুণত হাবিৰ মাজত তিতি কান্দি থকা অৱস্থাত স্থানীয় ৰাইজে এটা শিশুক উদ্ধাৰ কৰাৰ পিছত কিছু দূৰত মাতৃসহ আন এটা শিশু উদ্ধাৰ কৰে।
ইয়াৰ পিছতে ৰাইজে স্থানীয় আৰক্ষীক ঘটনাটো অৱগত কৰে যদিও আৰক্ষী ঘটনাস্থলীত উপস্থিত নোহোৱাত গুৰুতৰভাৱে আঘাতপ্ৰাপ্ত এটি শিশুক ৰাইজে চিকিৎসালয়লৈ লৈ যায়।
অৱশ্যে পিছত ঘটনাস্থলীত আৰক্ষী উপস্থিত হৈ মাতৃসহ আনটো শিশুক চিকিৎসালয়লৈ যায়।
কিন্তু কোনে কি কাৰণত চলন্ত ৰে'লৰ পৰা কণ কণ শিশু আৰু মাতৃক এনেদৰে পেলায় গ'ল, সেয়া পোহৰলৈ অহা নাই।
Continue Reading
