--°C
Loading...
Listen to Article
2 min read
80%
ডিজিটেল ডেস্কঃ ’জিন্দেগী দো পল কি...’দুদিনীয়া জীৱন নাট সামৰি সময়তকৈ আগতেই গুছি গ’লগৈ কৃষ্ণকুমাৰ কুন্নাথ। শ্ৰোতাৰ মাজত কে কে হিচাবে জনপ্ৰিয় শিল্পীগৰাকী আৰু নাই।সুৰৰ আকাশ উকা কৰি শিল্পী কে কেই খোজ পেলালে কোনো দিনে উভতি নহা বাটত। ৩১ মে’ৰ নিশা  কলকাতাৰ এটা সংগীতানুষ্ঠান শেষ কৰি উভতি অহাৰ সময়তে আকস্মিকভাবে মৃত্যুক সাৱটি লয় জনতাৰ মৰমৰ শিল্পীগৰাকীয়ে।

৫৩ বছৰীয়া গায়কজনে চহৰখনৰ এখন মহাবিদ্যালয় সপ্তাহত গীত পৰিবেশন কৰি থকাৰ সময়তে অসুস্থ হৈ পৰিছিল আৰু কলকাতাৰ চিএমআৰআই চিকিৎসালয়লৈ নিয়াৰ পিছতে চিকিৎসকে তেওঁক মৃত ঘোষণা কৰে।  এই খবৰ পোৱাৰ পিছতে হতভম্ব, শোকস্তব্ধ হৈ পৰিছে শিল্পীগৰাকীৰ অনুৰাগীসকল। অকালতে জীৱন নাট সামৰা  কে কেৰ গীতসমূহে মানুহক দিছিল জীয়াই থকাৰ প্ৰেৰণা।


হিন্দীৰ লগতে দেশৰ কেইবাটাও আন ভাষাত গীত গোৱা কে কেই  কেতিয়াও গানৰ আনুষ্ঠানিক শিক্ষাগ্ৰহণ কৰা নাছিল। সৰুৰে পৰাই কিশোৰ কুমাৰৰ গীত ওঁঠত লাগি থকা কেকে অনুপ্ৰাণিত হৈছিল কিশোৰ কুমাৰৰ গীতৰ দ্বাৰাই। এক কথাত কিশোৰ কুমাৰেই আছিল কে কেৰ সংগীতৰ গুৰু। ১৯৯৯ চনত তেওঁৰ প্ৰথম সংগীত এলবাম ’পল’-এ দেশজুৰি খ্যাতি লাভ কৰিছিল।

’হাম দিল দে চুকে চনম’, "তাডাপ টাডাপ কে" গীত সমূহ কেকেৰ কেৰিয়াৰৰ এটা ডাঙৰ টাৰ্ণিং পইণ্ট আছিল।

 ১৯৯৪ চনত মায়ানগৰী মুম্বাইলৈ যোৱাৰ আগতে কে কেই  হোটেলত গীত গাইছিল। পত্নী জ্যোতিৰ অনুপ্ৰেৰণাত তেওঁ মুম্বাইত খোপনি পোতাৰ বাবে প্ৰস্তুতি চলাই গৈছিল আৰু সুযোগৰ অপেক্ষাত আছিল।


কে কেই  ৩৫০০তকৈও অধিক জিংগল গাইছিল।

এবাৰ হোটেলত গীত গাই থাকোতে কে কে শিল্পী হৰিহৰণৰ চকুত পৰিছিল। হৰিহৰণেই কে কেক মুম্বাইলৈ যোৱাৰ বাবে সুবিধা কৰি দিছিল।
হিন্দী চলচ্চিত্ৰত কে কেই প্ৰথমবাৰৰ বাবে মাচিছ ছবিত "চৰ আয়ে হাম ৱহ গলিয়া" গীতটি গাইছিল।গীতটি প্ৰচাৰ হোৱাৰ লগে লগে কে কেৰ নাম দেশৰ শ্ৰোতাৰ মুখে মুখে বাগৰি গৈছিল।

টেলিভিছনৰ ৰিয়েলিটি শ্ব' ফেম গুৰুকুলৰ জুৰী সদস্যসকলৰ ভিতৰৰে এজন আছিল কে কে। এই শ্ব' জৰিয়তে অৰিজিত সিঙে মানুহৰ মাজত পৰিচিতি লাভ লাভ কৰিছিল।প্ৰচাৰ বিমুখ কে কেই সেই ৰিয়েলিটি শ্ব'ৰ পিছত আন কোনো টেলিভিছনৰ ৰিয়েলিটি শ্ব'ত বিচাৰকৰ দায়িত্ব গ্ৰহণ কৰা নাছিল।তেওঁ কেৱল নীৰৱে কৰি গৈছিল সংগীতৰ সাধনা।


হিন্দীৰ উপৰিও কে কেই তামিল, তেলেগু, মাৰাঠী, কানাড়া, মালায়ালম, গুজৰাটী আদি ভাষাৰ লগতে অসমীয়া ভাষাতো বহু মনপৰশা গীত গাইছিল।অসমীয়া ভাষাত তেওঁ অনুপম শইকীয়াই সংগীত পৰিচালনা কৰা ’মন’ এলবামত গীত গাইছিল।এলবামটোত কে কেৰ উপৰি ছান, সাধনা সৰগম আৰু অনুপম শইকীয়ায়ো গীত গাইছিল।


FOLLOW US F
POPULAR
FEATURE
TRENDY
আমেৰিকাতে ড'নাল্ড ট্রাম্পক হত্যাৰ ভাবুকি ইৰানৰ
১৪ জুলাইত পৃথিৱীলৈ উভতিব পাৰিবনে শুভাংশু শুল্কাই?
পান কাৰ্ডৰ সৈতে আধাৰ কাৰ্ড লিংক কৰাটো বাধ্যতামূলক; জানি লওক সৱিশেষ
নিমন্ত্ৰণ নোপোৱাকৈয়ে পাকিস্তানলৈ যায়, কিন্তু মণিপুৰলৈ নাযায়: মোদীক তীব্ৰ সমালোচনা মল্লিকার্জুন খৰ্গেৰ
‘আপুনি ইঞ্জিন কিয় বন্ধ কৰি দিলে?’ ভইচ ৰেকৰ্ডাৰত ধৰা পৰিল আহমেদাবাদৰ বিমান দুৰ্ঘটনাৰ আগ মুহূৰ্তত দুই পাইলটৰ কথা-বতৰা
মুকালমুৱাত আইনী প্ৰক্ৰিয়াৰে পত্নীক বিদায় জনাই ৪০ লিটাৰ গাখীৰেৰে গা ধুই আনন্দ উল্লাস স্বামীৰ