ডিজিটেল ডেস্ক: পহলগামত সন্ত্রাসবাদীৰ আক্ৰমণৰ পাছত জম্মু আৰু কাশ্মীৰ চৰকাৰে কেন্দ্রীয় শাসিত অঞ্চলটোৰ ৮৭টা পর্যটন স্থানৰ ভিতৰত ৪৮টাৰ বন্ধ ঘোষণা কৰিছে। এই পৰ্যটনস্থলীসমূহলৈ এতিয়া পর্যটক যাব নোৱাৰিব। ৰাজ্য চৰকাৰে পৰ্যটকৰ নিৰাপত্তাৰ বাবে এই ব্যৱস্থা গ্ৰহণ কৰা বুলি প্রকাশ কৰে।
অৱশ্যে এই নিষেধাজ্ঞা অস্থায়ী বুলি কোৱা হৈছে। আনহাতে খোলা ৰখা পৰ্যটন স্থানসমূহত নিৰাপত্তা ব্যৱস্থা কঠোৰ কৰা হৈছে। ইফালে সন্ত্রাসবাদীৰ আক্ৰমণটোৰ পাছতো ডোডা জিলাত পৰ্যটকৰ ভিৰ পৰিলক্ষিত হয়।
জিলাখনৰ ভদৰৱাহ পৰ্যটনস্থলীত পর্যটকসকলে কয়, ''সন্ত্রাসবাদীৰ এনে কাৰ্যৰ উপযুক্ত প্ৰত্যুত্তৰ দিয়া হ'ব। সিহঁতে আমি কাশ্মীৰলৈ নাহিম বুলি ভাবিছে, কিন্তু কাশ্মীৰ আমাৰ আৰু সদায় আমাৰ হৈ থাকিব।''
উৎসঃ দৈনিক জনমভূমি
Continue Reading
