ডিজিটেল ডেস্কঃ শ্বহীন শ্বাহ আফ্ৰিদীয়ে বিশ্বকাপৰ ইতিহাসত পাকিস্তানৰ প্ৰথমগৰাকী পেচাৰ হিচাপে নজিৰ গঢ়ি তুলিছিল। শুকুৰবাৰে অষ্ট্ৰেলিয়াৰ বিৰুদ্ধে ৫৪ ৰানত ৫ উইকেট দখল কৰে। অষ্ট্ৰেলিয়াই ৯টা উইকেটত ৩৬৭ ৰান সংগ্ৰহ কৰে।
বিশ্বকাপৰ দুখন এদিনীয়া মেচত ৫ বা তাতকৈ অধিক উইকেট দখল কৰা প্ৰথমজন পাকিস্তানী পেচাৰ হিচাপে পৰিগণিত হয় শ্বাহীন। বিশ্বকাপৰ এখন খেলত মুঠ পাঁচজন পাকিস্তানী পেচাৰে ৫টা বা তাতকৈ অধিক উইকেট দখল কৰিছে। শ্বাহীনৰ বাহিৰে সকলোৰে এই কৃতিত্ব এবাৰকৈ।
বাওঁহাতৰ বেগী বলাৰগৰাকীয়ে শুকুৰবাৰে অষ্ট্ৰেলিয়াৰ বিৰুদ্ধে বিশ্বকাপৰ খেলত দ্বিতীয়বাৰৰ বাবে ৫ বা তাতকৈ অধিক উইকেট দখল কৰাৰ নজিৰ গঢ়ি তুলিছে। বিশ্বকাপত ৫টা উইকেট দখল কৰা প্ৰথমজন পাকিস্তানী পেচাৰ আছিল ৱাছিম আক্ৰাম। ২০০৩ চনৰ বিশ্বকাপত নামিবিয়াৰ বিৰুদ্ধে ২৮ ৰানত ৫ উইকেট দখল কৰিছিল পাকিস্তানৰ প্ৰাক্তন অধিনায়কগৰাকীয়ে।
২০১১ চনৰ বিশ্বকাপত ভাৰতৰ বিৰুদ্ধে ৪৬ ৰানেৰে ৫টা উইকেট দখল কৰিছিল ৱাহাব ৰিয়াজে। ২০১৫ চনৰ বিশ্বকাপতো ভাৰতৰ বিৰুদ্ধে ৫৫ ৰানেৰে ৫টা উইকেট দখল কৰিছিল সোহেইল খানে। ২০১৯ৰ বিশ্বকাপত অষ্ট্ৰেলিয়াৰ বিৰুদ্ধে মহম্মদ আমিৰে ৩০ ৰানত ৫টা উইকেট দখল কৰিছিল। সেইবাৰ বাংলাদেশৰ বিৰুদ্ধে ৩৫ ৰানত ৬ উইকেট দখল কৰিছিল শ্বাহীনে। শুকুৰবাৰে তেওঁ দ্বিতীয়বাৰৰ বাবে বিশ্বকাপৰ এখন খেলত ৫টা উইকেট দখল কৰে।
ৱান ডে বিশ্বকাপতো পাকিস্তানৰ হৈ সৰ্বশ্ৰেষ্ঠ বলিং অভিলেখ আছে শ্বাহীনে। ২০১৯ চনৰ বিশ্বকাপত বাংলাদেশৰ বিৰুদ্ধে ৬ টা উইকেট দখল কৰিছিল। বিশ্বকাপৰ এখন খেলত এতিয়ালৈকে পাকিস্তানী বলাৰ এজনে ৫টাতকৈ অধিক উইকেট দখল কৰাৰ এইটোৱেই একমাত্ৰ দৃষ্টান্ত।
Continue Reading
