কৰ’নাৰ হট স্পট হ'ল নেকি কৰণ জোহৰৰ বাৰ্থডে পাৰ্টী? ৫৫ জন অতিথি কৰ’নাত আক্ৰান্ত!

এটা নিউজ ৱেবচাইটে দাবী কৰিছিল যে এই পাৰ্টিত উপস্থিত থকা প্ৰায় ৫৫ জন অতিথি কৰ’নাত আক্ৰান্ত হৈছে। অৱশ্যে দেওবাৰে এটা নতুন প্ৰতিবেদন ওলাইছে য’ত কোৱা হৈছে যে এইবোৰ কেৱল উৰাবাতৰিহে। শনিবাৰে কেইবাটাও ৱেবছাইটে প্ৰকাশ কৰিছিল যে মুম্বাইত কৰণৰ বাৰ্থডে পাৰ্টি এটা Covid-19 super-spreader ইভেণ্ট আছিল, যাৰ ফলত দিনটোৰ শেষৰ ফালে কেইবাজনো অতিথি উপস্থিত থকাৰ ইতিবাচক COVID-19 ৰিপৰ্ট পোৱা গৈছিল। পাৰ্টিৰ কিছুদিন পিছতে ৪ জুনত অভিনেতা কাৰ্তিক আৰিয়ানে টুইটাৰত নিজকে কোভিড পজিটিভ বুলি তথ্য দিছিল। তেওঁ নিজৰ নতুন ছবি ভূল ভূলাইয়া ২-ৰ দেশজুৰি প্ৰচাৰ কৰি আছিল। কাৰ্তিক কৰণৰ পাৰ্টিত উপস্থিত নাছিল কিন্তু সূত্ৰটোৱে দাবী কৰে যে কাৰ্তিক আৰিয়ান পাৰ্টিত উপস্থিত নথকাৰ পিছতো কৰ’নাত আক্ৰান্ত হৈছিল কাৰণ তেওঁৰ ছবিখনৰ নায়িকা সেই পাৰ্টিত উপস্থিত আছিল আৰু সেই নায়িকাৰ সৈতে কাৰ্তিকে ছবিখনৰ প্ৰচাৰ কৰিছিল। ইয়াৰ পিছতে শনিবাৰে পোহৰলৈ আহে যে অভিনেতা আদিত্য ৰায় কাপুৰো কৰ’নাত আক্ৰান্ত হৈছে। আজি শ্বাহৰুখ খান আৰু কেটৰিনা কাঈফ কোভিড পজিটিভ বুলি ধৰা পৰে। 

সূত্ৰটোৱে দাবী কৰা মতে কৰণ জোহৰ সম্প্ৰতি 'কফি উইথ কৰণ'ৰ শ্বুটিঙৰ কামত ব্যস্ত আছে। তেওঁ অহৰহ নিজৰ কৰ’ণা পৰীক্ষা কৰি আছে। ইয়াৰ উপৰিও এই অনুষ্ঠানত উপস্থিত থকা অতিথিসকলক কোভিড প্ৰট’কল মানি চলিবলৈ বাধ্য কৰা হৈছে। সূত্ৰটোৱে জনোৱা মতে কৰণ জোহৰৰ পাৰ্টিত অংশগ্ৰহণ কৰা বহু তাৰকা এতিয়ালৈকে বিশ্বৰ বহু দেশ ভ্ৰমণ কৰিছে, কিন্তু কেৱল কোভিড পজিটিভ চেলিব্ৰিটিসকলৰ নামহে কৰণৰ পাৰ্টিৰ সৈতে সংযোগ কৰা হৈছে যিটো শুদ্ধ নহয়। উল্লেখ্য যে মহাৰাষ্ট্ৰত কৰ'ণাত আক্ৰান্তৰ সংখ্যা বহুত বাঢ়িছে। জুন মাহৰ চাৰিদিনত মহাৰাষ্ট্ৰত এই পৰ্যন্ত ৪৬১৮জন লোক কোভিড-১৯ত আক্ৰান্ত হৈছে। ইয়াৰে ৬০ শতাংশ (৩,০৯৫) লোক কেৱল মুম্বাইৰ। শনিবাৰে ১৩৫৭ জন লোক ক’ৰোনাত আক্ৰান্ত হৈছিল। ইয়াৰে ৮৮৯ জন লোক কেৱল মুম্বাইৰ।