ডিজিটেল ডেস্ক: মঙলদৈ আৰক্ষীৰ বৃহৎ সফলতা। ট্ৰাকত ওলাল বৃহৎ পৰিমাণৰ অবৈধ চুৰি সামগ্ৰী। দৰঙৰ খাৰুপেটীয়াৰ পৰা পশ্চিমবংগলৈ চুৰি সামগ্ৰী সমূহ কঢ়িয়াই লৈ যোৱা অৱস্থাত মঙলদৈ আৰক্ষীয়ে বিশেষ সূত্ৰৰ পম খেদি ট্ৰাকখন জব্দ কৰিবলৈ সক্ষম হয়।
জব্দকৃত বাহনখনৰ ভিতৰৰ পৰা বিভিন্ন ধৰণৰ বিদ্যুতৰ সামগ্ৰী, AC কপাৰ তাঁৰ, লগতে বিদ্যুৎ বিভাগৰ বৃহৎ বৃহৎ বিদ্যুৎ পৰিবাহী তাঁৰ জব্দ কৰে।
উল্লেখযোগ্য যে দৰঙত বহু দিনৰ পৰা AC কপাৰ তাঁৰ আৰু এই সমূহ সামগ্ৰী চুৰি কাৰ্য সংঘটিত হৈ আহিছে।
আজি এই সমূহ সামগ্ৰী আৰক্ষীয়ে জব্দ কৰা কাৰ্যক ৰাইজে আদৰণি জনোৱাৰ লগতে এনে চিণ্ডিকেট বন্ধ কৰি দোষীক কঠোৰ শাস্তি প্ৰদানৰ দাবী উত্থাপন কৰে। এতিয়াও অৱশ্যে এই চুৰি সামগ্ৰীৰ গেংটো আৰক্ষীয়ে গ্ৰেপ্তাৰ কৰিব সক্ষম হোৱা নাই ,তদন্ত অব্যাহত আছে।
Continue Reading
