ডিজিটেল ডেস্কঃ কিংবদন্তী মহিলা ক্ৰিকেটাৰ মিথালী ৰাজে আন্তঃৰাষ্ট্ৰীয় ক্ৰিকেটৰ পৰা অৱসৰ লোৱাৰ পাছতে বিচিচিআইয়ে ভাৰতীয় মহিলা দলৰ অধিনায়ক হিচাপে হৰমনপ্ৰীত কৌৰৰ নাম ঘোষণা কৰিছে। ভাৰতক মহিলা দলক এদিনীয়া ক্ৰিকেটক নেতৃত্ব দিব হৰমনপ্ৰীত কৌৰে। বুধবাৰে মিথালীয়ে খেলৰ পৰা অৱসৰৰ কথা ঘোষণা কৰাৰ কেইঘণ্টামান পিছতে ৰাষ্ট্ৰীয় নিৰ্বাচক সকলে শ্ৰীলংকা ভ্ৰমণৰ বাবে ভাৰতীয় মহিলা ক্ৰিকেট দল ঘোষণা কৰে। এদিনীয়া দলৰ লগতে টি-২০ দলৰ অধিনায়ক হিচাপেও নিৰ্বাচিত হৈছে হৰমনপ্ৰীত।
স্মৰ্তব্য যে, ইয়াৰ পূৰ্বেও হৰমনপ্ৰীতে ভাৰতৰ টি-২০ দলক নেতৃত্ব দিছিল। অৱশ্যে, এদিনীয়া দলত মিথালীৰ সহযোগী আছিল হৰমনপ্ৰীত। এইবাৰ ৫০ অ’ভাৰৰ ক্ৰিকেটত ভাৰতৰ অধিনায়ক হিচাপে নিৰ্বাচিত হৈছে হৰমনপ্ৰীত কৌৰ। নৱনিযুক্ত অধিনায়কগৰাকীৰ সহ অধিনায়কৰ দায়িত্ব পালন কৰিব স্মৃতি মান্ধানাই। ইফালে, শ্ৰীলংকা ভ্ৰমণৰ বাবে ভাৰতৰ এদিনীয়া দলত ঝুলন গোস্বামীৰ নাম অন্তৰ্ভুক্ত নহ’ল। তেনেস্থলত ঝুলন গোস্বামীৰো অৱসৰৰ প্ৰসংগই অধিক চৰ্চা লাভ কৰা দেখা গৈছে।
ভাৰতৰ এদিনীয়া স্কোয়াডঃ হৰমনপ্ৰীত কৌৰ (অধিনায়ক), স্মৃতি মান্ধানা (সহ অধিনায়ক), শ্বেফালী বাৰ্মা, যস্তিকা ভাটিয়া (উইকেট ৰক্ষক), সুব্বিনেনী মেঘনা, দীপ্তি শৰ্মা, পূনম যাদৱ, ৰাজেশ্বৰী গায়কোৱাদ, ছিমৰণ বাহাদুৰ, মেঘনা সিং, ৰেণুকা সিং, তানিয়া ভাটিয়া (উইকেট ৰক্ষক) আৰু হাৰ্লিন দেউল।
Continue Reading
