ডিজিটেল ডেস্কঃ এক শোকাৱহ ঘটনা সংঘটিত হৈছে গোৱালিয়ৰত। অভিভাৱকৰ সামন্য অৱহেলাৰ বাবেই এটি চাৰি বছৰীয়া শিশুৱে কৰুণ মৃত্যুক সাৱটিবলগীয়া হয়।
মৃত শিশুটিক দেৱ আহিৰৱাৰ বুলি চিনাক্ত কৰা হৈছে। তেওঁ গোৰঘাট আৰক্ষী থানা অঞ্চলৰ অন্তৰ্গত বদন কলন গাঁৱৰ বাসিন্দা আছিল। তেওঁ তেওঁৰ পিতৃ-মাতৃৰ তিনিটা সন্তানৰ ভিতৰত আটাইতকৈ কনিষ্ঠ সন্তান আছিল । দেৱে ৪ অক্টোবৰতে তেওঁৰ ঘৰৰ চৌহদত খেলি থকাৰ সময়তে সুৰেন্দ্ৰ নামৰ এজন স্থানীয় লোকে সেই ঠাইলৈ গৰম গাখীৰৰ পাত্ৰ এটা লৈ আহিছিল। তেতিয়াই দেৱে নিয়ন্ত্ৰণ হেৰুৱাই গৰম গাখীৰৰ পাত্ৰত খুন্দা মাৰিছিল।
উতলা গাখীৰ খিনি শিশুটিৰ দেহত পৰিছিল। ফলস্বৰূপে তেওঁৰ শৰীৰৰ প্ৰায় ৮০ শতাংশ জ্বলি গৈছিল। পৰিয়ালৰ লোকসকলে শিশুটিৰ চিঞৰ আৰু কান্দোন শুনি ঘটনাস্থলীলৈ দৌৰি গৈছিল। শিশুটিক লগে লগে এখন স্থানীয় চিকিৎসালয়লৈ লৈ যোৱা হৈছিল। দেৱে তিনি সপ্তাহ ধৰি জীৱনৰ সৈতে যুঁজি আছিল। কিন্তু শেষত তেওঁ মৃত্যুৰ ওচৰত হাৰ মানিলে। শেহতীয়াকৈ তেওঁৰ মৃত্যু হৈছে।
আৰক্ষীয়ে ঘটনাটোৰ তদন্ত কৰি আছে। এগৰাকী স্থানীয় আৰক্ষী বিষয়াই কয়- আমি ঘটনাটো কেনেকৈ ঘটিবলৈ পালে আৰু কোনোবাই ইচ্ছাকৃতভাৱে সেয়া কৰিছিল নেকি সেই বিষয়ত অনুসন্ধান কৰি আছো।
Continue Reading
