ডিজিটেল ডেস্কঃ কলকাতাৰ দূৰ্গা পূজাৰ স’তে এইবাৰ দেখা গৈছে সংঘাত জৰ্জৰ মণিপুৰৰ সংযোগ। শেহতীয়াকৈ ভাইৰেল হোৱা এটা ভিডিঅ’ত দেখা গৈছে যে এগৰাকী শিল্পীয়ে মণিপুৰৰ জাতিগত হিংসাৰ বিষয়ে কৰা শিল্পকৰ্ম এইবাৰৰ দুৰ্গা পূজাত প্ৰদৰ্শিত কৰিব।
মণিপুৰত ঘটি থকা ঘটনাবোৰত ভাস্কৰ্য শিল্পী ভবতোষ সুতাৰ গভীৰভাৱে যন্ত্ৰণাত ভুগিছিল। কিন্তু সেই সকলো কষ্ট তেওঁ দুৰ্গা পূজা ২০২৩ৰ বাবে দুৰ্গা মাৰ মূৰ্তি ভাস্কৰ্য্য ৰূপত ঢালি দিলে। ‘গণদেৱতা’ (জনসাধাৰণৰ দেৱতা) চহৰৰ পূব প্ৰান্তৰ বাগুয়াটি অঞ্চলৰ অৰ্জুনপুৰ আমৰা ছাবাই ক্লাবৰ বিষয়বস্তু।
কলকাতাৰ সামূহিক পূজাত স্থাপন হ’বলগীয়া দুৰ্গা মূৰ্তিটো ভবতোষে বিষেষভাৱে সজাইছে। সাধাৰণ শাৰী পৰিধান কৰা দূৰ্গা মূৰ্তিটো আন মূৰ্তিবোৰৰ দৰে মসৃণ কৰা নহ’ব। প্ৰতিগৰাকী নাৰীৰ জীৱন সংগ্ৰামক প্ৰতিফলিত কৰিবলৈকে এইধৰণে সজোৱা হৈছে।
শিল্পীগৰাকীয়ে কয়, "আমি নাৰীক দেৱী হিচাপে পেডেষ্টেলত ৰাখি 'ষ্ট্ৰী শক্তি'ৰ মূৰ্তি হিচাপে পূজা কৰো। একে সময়তে আমিও নাৰীক আক্ৰমণ কৰি, কাপোৰ খুলি অসন্মান কৰো। প্ৰতিটো সংঘাতৰ সময়ত নাৰীক অত্যাচাৰ কৰা হয়, তেওঁলোকে সহজ লক্ষ্য হৈ পৰে।’’
উল্লেখ্য যে ভবাতোষ সুতাৰ হৈছে কলকাতাৰ এজন ভাস্কৰ্য্য শিল্পী যিয়ে দুটা দশকৰো অধিক সময় ধৰি শিল্প সৃষ্টি কৰি আহিছে। ইয়াৰ পূৰ্বে সুতাৰে যোৱা বছৰ লকডাউনৰ সময়ত প্ৰব্ৰজিত শ্ৰমিকৰ যাত্ৰাকে ধৰি সমসাময়িক সামাজিক বিষয়ক চিত্ৰিত কৰা বিষয়বস্তুৰ ওপৰত কাম কৰিছিল।
Continue Reading
