ডিজিটেল ডেস্কঃ পথ দুৰ্ঘটনাত কৰুণ মৃত্যুক সাবটিলে এহাল ভাতৃ-ভগ্নীয়ে। একেলগে দুই সন্তানক হেৰুৱাই শোকত ভাগি পৰিছে পিতৃ-মাতৃ। মহাৰাষ্ট্ৰৰ পালঘৰত ঘটিছে এই ঘটনা। এখন ট্ৰাকে খুন্দা মৰাত মটৰচাইকেলেৰে আহি থকা ভাতৃ-ভগ্নীৰ মৃত্যু হয়।
পালঘৰ আৰক্ষী থানাৰ এগৰাকী বিষয়াই জনোৱা মতে, নিশা সংঘটিত হোৱা এই দুৰ্ঘটনাৰ পিছৰে পৰা ট্ৰাক চালকজন পলাতক হৈ আছে।
বিষয়াগৰাকীয়ে জনোৱা মতে, নিশা ৰাতিৰ আহাৰ গ্ৰহণৰ পিছত মংগেশ বিশ্বকৰ্মা (২২) আৰু তেওঁৰ ভগ্নী পূজা বিশ্বকৰ্মা (২৫) মটৰ চাইকেলেৰে আইচক্ৰীম খাবলৈ ওলাই যায়। তেতিয়াই তীব্ৰবেগী ট্ৰাক এখন আহি তেওঁলোকৰ মটৰ চাইকেলখনত প্ৰচণ্ড জোৰে খুন্দা মাৰে।
বিষয়াগৰাকীয়ে জনোৱা মতে, সংঘৰ্ষৰ পিছত মটৰ চাইকেলত থকা আৰোহী দুয়োজনৰ থিতাতে মৃত্যু হয়।
পলাতক ট্ৰাক চালকজনৰ বিৰুদ্ধে এফআইআৰ ৰুজু কৰা হৈছে বুলিও তেওঁ জানিবলৈ দিয়ে।
ঘটনাটোক লৈ শোক প্ৰকাশ সকলোৰে।
Continue Reading
