--°C
Loading...
Listen to Article
2 min read
80%
ডিজিটেল ডেস্কঃ অৰ্জুন তেণ্ডুলকাৰে শনিবাৰে নিশা মুম্বাই ইণ্ডিয়ানছৰ জাৰ্ছীত আত্মপ্ৰকাশ কৰিব নেকি? ছ'চিয়েল মিডিয়াত দলটোৰ এটা পোষ্টৰ পাছৰে পৰা ক্ৰিকেট অনুৰাগীসকলৰ মনত এনে প্ৰশ্নৰ উদয় হৈছে। এই অনুমানক আৰু অধিক উদগনি দিছে শচীন কন্যা চাৰা তেণ্ডুলকাৰে।

চলিত আইপিএল ছিজন একেবাৰে ভালে যোৱা নাই ৰোহিত বাহিনীৰ। এতিয়ালৈকে লীগ পৰ্যায়ৰ এখন মেচতো জয়ী হ’ব পৰা নাই দলটো। পাঁচবাৰৰ চেম্পিয়ন মুম্বাইয়ে একেৰাহে পাঁচখন খেলৰ ভিতৰত পাঁচখনতে পৰাজয়ৰ গলমালা পিন্ধিবলগীয়া হৈছে। আজি দলটোৱে লক্ষ্ণৌ ছুপাৰ জায়াণ্টছৰ সৈতে খেলিব। কি হ’ব পাৰে সম্ভাৱ্য একাদশ? তাকে লৈ চলিছে অন্তহীন জল্পনা।  আলোচনাৰ প্ৰসংগলৈ আহিছে অৰ্জুন তেণ্ডুলকাৰৰ নাম। অৰ্জুন তেণ্ডুলকাৰে তেওঁৰ পিতৃ শচীনৰ সৈতে একেটা দলত থকাৰ সুযোগ পাইছে। বিগত বৰ্ষৰ আইপিএলৰ নিলামত মুম্বাইয়ে ২০ লাখ টকাত ক্ৰয় কৰিছিল অৰ্জুন। এই বছৰ মেগা নিলামত নীতা আম্বানীৰ মুম্বাইয়ে অৰ্জুনক ৩০ লাখ টকাত স্বাক্ষৰ কৰাইছিল।  অৱশ্যে, অৰ্জুনক বিগত বৰ্ষত ক্ৰয় কৰাৰ আগতেই মুম্বাই ইণ্ডিয়ানছৰ নেট বলাৰ হিচাপে দেখা গৈছিল। কিন্তু এতিয়ালৈকে প্ৰথম একাদশত খেলাৰ সুযোগ পোৱা নাই অৰ্জুনে। হয়তো এইবাৰ কপাল ফুলিব অৰ্জুন তেণ্ডুলকাৰৰ।তাৰেই আশংকা বৰ্তমান বিৰাজমান ক্ৰীড়াজগতত।

শেহতীয়াকৈ, মুম্বাইয়ে এখন ছবি পোষ্ট কৰিছে। কেপচনত লিখিছে, ‘সমুখ সমৰত মুম্বাই বনাম লক্ষ্ণৌ।’ আৰু এই পোষ্টটোতে আছে অৰ্জুন তেণ্ডুলকাৰৰ হেছটেগ। ফলস্বৰূপে কেএল ৰাহুল বাহিনীৰ বিৰুদ্ধে অৰ্জুনৰ অভিষেক হ’ব বুলি সৰ্বত্ৰে ৰৈ বৈ গৈছে। ইফালে এই পোষ্টৰ তলতে আকাশী ৰঙৰ লাভ ইম’জী দিছে অৰ্জুনৰ বায়েক ছাৰাই। ছাৰাৰ প্ৰতিক্ৰিয়াতে সকলোৰে ধাৰণা, আজিয়েই অভিষেক ঘটিব পাৰে শচীন তনয়ৰ। মন কৰিবলগীয়া যে, এইবাৰ মুম্বাইৰ পেচ আক্ৰমণ যথেষ্ট দুৰ্বল দেখা গৈছে। শুনিবলৈ পোৱা মতে, বাচিল থাম্পি বা জয়দেৱ উনাদকটৰ ঠাইত দলটোত প্ৰৱেশ কৰিব পাৰে অৰ্জুনে।

FOLLOW US F
POPULAR
FEATURE
TRENDY
পোষ্টেল বেলটৰ গণনা সমাপ্ত নকৰাকৈ ই ভি এমৰ গণনা শেষ কৰিব নোৱাৰিব
জুবিন গাৰ্গক 'ভাৰত ৰত্ন' প্ৰদানৰ আহ্বান জনাই প্রধানমন্ত্রীলৈ পত্র
'আদালতে পইন্ট টু পইন্ট প্রমাণ বিচাৰিব', এছ আই টিৰ ওপৰত ভৰসা ৰাখিবলৈ ৰাজ্যবাসীক আহ্বান মুখ্যমন্ত্ৰীৰ
তীর্থভূমিত পৰিণত জুবিন গাৰ্গৰ সমাধিক্ষেত্র, বৈ আছে অনুৰাগীৰ অবিৰত সোঁত
বজালীত জোঁৱাইয়েকৰ দাৰ ঘাপত আহত পত্নী আৰু শাহুৱেক
বাক্সাৰ ভাৰত-ভূটান সীমান্তত বনৰীয়া হাতীৰ ত্ৰাস
জুবিন গাৰ্গৰ শেষকৃত্য ক’ত কৰা হ’ব? দিয়া হ’ব নে চৰকাৰী বন্ধ? কি ক’লে মুখ্যমন্ত্ৰীয়ে?
বিদ্যালয়ৰ পৰীক্ষা অনুষ্ঠিত কৰিবলৈ লোৱাত প্ৰতিবাদত নামিল শিক্ষাৰ্থী
ছিংগাপুৰৰ সাগৰৰ পাৰত হঠাৎ নিঠৰ হʼল এটা মায়াময় সুৰ
হঠাতেই হেৰাল কেনিনো মোৰ চোতালৰে জোনাক
নীৰৱে-নিতালে শুই অসম পালেহি প্ৰাণৰ শিল্পী জুবিন গাৰ্গ
কাইলৈ প্ৰাণৰ শিল্পী জুবিন গাৰ্গৰ অন্ত্যেষ্টিক্ৰিয়া ; সৰুসজাইৰ পৰা সোণাপুৰলৈ জুবিনৰ অন্তিম যাত্ৰা
শোণিতপুৰৰ বালিপৰাত নিৰ্মাণ কৰা হ'ব অসমীয়াৰ হিয়াৰ আমঠু জুবিন গাৰ্গৰ প্ৰতিমূৰ্তি
শেষকৃত্যৰ ১৩ দিনৰ পাছত যোৰহাটত চিতাভস্ম লৈ হ'ব ৰাজ্য চৰকাৰৰ অনুষ্ঠান