নগাঁৱত ভয়ংকৰ অগ্নিকাণ্ড! এটা বিস্কুট ফেক্টৰীসহ ৪টাকৈ বাসগৃহ ভস্মীভূত

ডিজিটেল ডেস্কঃ নগাঁৱৰ কঠিয়াতলীত ভয়ংকৰ অগ্নিকাণ্ড। দপদপকৈ জ্বলিল এটা বিস্কুট ফেক্টৰীসহ ৪টাকৈ বাসগৃহ। পুৱতি নিশা কামপুৰ কঠিয়াতলী সংযোগী পথত থকা তুফান বেকাৰীত এই অগ্নিকাণ্ড।

চৌহদত থকা আন তিনিটা বাসগৃহ ভস্মিভূত অগ্নিকাণ্ডত ৷ স্থানীয় ৰাইজৰ সহযোগত চাৰিখনকৈ অগ্নিনিৰ্বাপক বাহিনীৰ গাড়ীয়ে জুই নুমুৱাৰ চেষ্টা ৷

অগ্নিকাণ্ডত দুটা ডি জি, বিস্কুট ফেক্টৰীসহ চাৰিটা বাসগৃহ সম্পূৰ্ণৰূপে ভস্মীভূত হয়। বিদ্যুতৰ চৰ্ট চাৰ্কিটৰ ফলতে অগ্নিকাণ্ডৰ সূত্ৰপাত হোৱাৰ সন্দেহ।

চকুৰ সন্মুখতে নিজৰ বাসগৃহ জুইত জাহ যোৱাত কান্দোনত ভাঙি পৰিছে তুফান বেকাৰী স্বত্বাধিকাৰী ৷