ডিজিটেল ডেস্কঃ কাহিলী পুৱাতে নাজিৰাৰ আৰক্ষীয়ে এখন বিলাসী বাহনসহ তিনিজনী গাইগৰু উদ্ধাৰ কৰিবলৈ সক্ষম হয় ।
নাজিৰা আদৰ্শ আৰক্ষী থানাৰ ভাৰপ্ৰাপ্ত বিষয়া ভৱেন দাসৰ নেতৃত্বত আৰক্ষীৰ দলে গেলেকী মেকীপুৰ ফালৰ পৰা অহা তিনিখন গৰুভৰ্তি বিলাসী বাহন অহাৰ সম্ভেদ পাই বৰতলাৰ পৰা আৰক্ষীয়ে খেদি খেদি নাজিৰা চাৰিআলিত এখন গাড়ী ৰখাবলৈ সক্ষম হয় আৰু আন দুখন গৰুভৰ্তি গাড়ী অতি কৌশলেৰে চাৰিআলিৰ সমীপত ঘূৰাই বিপৰীত দিশত পলায়ন কৰে।
আৰক্ষীয়ে AS06-AC -7653 নম্বৰৰ বিলাসী গাড়ীৰ পৰা তিনিজনী গাইগৰু উদ্ধাৰ কৰাৰ লগতে গাড়ীখনত অহা শিৱসাগৰ ষ্টেচন চাৰিআলিৰ মেৰাজ আলী (৩৯ ) আৰু চমিদুল আলীক ( ৪০ ) আটক কৰিবলৈ সক্ষম হয় ।
আনহাতে চুৰিগৰু ভৰ্তি গাড়ীখনৰ চালকজনো অতি কৌশলেৰে পলায়ন কৰে । আৰক্ষীয়ে গৰুচোৰৰ ঘটনাৰ তদন্ত অব্যাহত ৰাখিছে ।
Continue Reading
